விசாகம் 4ம் பாதம் : சிறப்பான ஆண்டு. பொருளாதார வளர்ச்சி சுமார் என்றாலும் தைரியம் குறையாது. விடாமுயற்சியால் வெற்றி காண்பீர்கள். பிள்ளைகள் வழியில் சுபச்செலவு உண்டாகும். ஆபரணங்களை பாதுகாப்பதில் கவனம் தேவை. பணி விஷயமாக குடும்பத்தை விட்டு பிரிந்தோர் ஒன்று சேர்வர். பெற்றோரின் உடல்நிலையில் கவனம் தேவை. மாணவர்கள் தரத்தேர்ச்சி காண்பர். குழப்ப நிலையில் வாழ்க்கைத் துணையின் ஆலோசனை பயனளிக்கும். உணவு பழக்கத்தில் கவனம் தேவை. பணியாளர்கள் பணிச்சுமையுடன், வீண் பழியும் சுமக்கலாம். தொழிலில் பணியாளர்களின் ஆதரவால் உயர்வீர்கள். வளர்ச்சி தரும் ஆண்டு இது.

அனுஷம் : வளமான வாழ்வு அமையும். மனதில் அவ்வப்போது சந்தேகம் தோன்றினாலும் அதை வெளிப்படுத்தாமல் சுறுசுறுப்பாக செயல்படுவீர்கள். பணவரவில் ஏற்ற இறக்கம் ஏற்பட்டாலும் சேமிப்பு உயரும். வீண் செலவு குறையும். பிள்ளைகளின் நடவடிக்கையில் கவனம் தேவை. விலகிய சொந்தம் விரும்பி வரும். மாணவர்கள் ஆசிரியரின் ஆதரவைப் பெற போராட நேரிடும். பெண்கள் குடும்ப பிரச்னைக்கு தீர்வு காண்பர். உடல்நலம் காக்க உடற்பயிற்சி தேவை. பணியாளர்கள் பதவி உயர்வுடன் பணிச்சுமையை சந்திப்பர். கூட்டுத் தொழில் லாபகரமாக செல்லும். உயர்வு பெறும் ஆண்டு இது.

கேட்டை :  சுறுசுறுப்புடன் செயல்பட்டு வெற்றி காண்பீ்ர்கள். புதிய மனிதர்களின் சந்திப்பு திருப்பு முனையைத் தரும். சொத்து வாங்கும் முயற்சி தள்ளிப் போகும். திடீர் செலவுகளால் சேமிப்பு தடைபடும். வாகன பயணத்தில் கவனம் தேவை. குடும்ப பெரியவர்களுடன் இருந்த கருத்து வேறுபாடு மறையும். பிள்ளைகளின் செயல்கள் எதிர்பார்ப்பிற்கு மாறாக அமையும். மாணவர்களுக்கு படிப்பில் கவனம் தேவை. உறவினர்கள் வீட்டு விசேஷங்களில் முக்கிய பொறுப்புகளை சுமக்க நேரிடும். பணியாளர்கள் நேரம் காலம் பாராது உழைக்க வேண்டியிருக்கும். உயர்வு காணும் வருடம் இது.