37 ஆண்டுகளுக்கு பின் விற்பனை உரிமம்: மதுரை: தமிழகத்தில் ஐயப்ப பக்தர்களை மெய்சிலிர்க்க வைத்த, "சுவாமி ஐயப்பன் திரைப்படத்திற்கு, 37 ஆண்டுகளுக்கு பின், விற்பனை உரிமம் கிடைத்துள்ளது. 1975ல் வெளியான "சுவாமி ஐயப்பன் படம். டைரக்டர் சுப்பிரமணியன்; இசை தேவராஜன். ஸ்ரீசுப்பிரமணியன் ரிலிஜியஸ் டிரஸ்ட் மூலம், நீலா என்பவர் தயாரித்தார். ஜெமினி கணேசன்,லட்சுமி, ஸ்ரீவித்யா, நம்பியார், டி.எம்.சவுந்தராஜன், வி.கே.ராமசாமி, பாலாஜி ஆகியோர் நடித்துள்ளனர். ஐயப்பன் வரலாறு, லீலை, வழிபாடு குறித்து, தெளிவாக விவரித்த படம். இதன் 11 பாடல்களும், மக்களிடம் பிரபலமானவை. ஜேசுதாஸ் பாடிய "ஹரிவராசனம் பாடல், இப்படத்தில் இடம் பெற்றது. இப்படத்தின் வெற்றியில் மகிழ்ந்த தயாரிப்பாளர், அதன் உரிமத்தை சபரிமலை ஐயப்பன் கோயில் நிர்வாகத்திற்கு அளித்தார். அதன் "சிடி விற்பனை உரிமத்தை பெற, பல்வேறு நிறுவனங்கள் போட்டியிட்டும், பயன் கிடைக்கவில்லை. 37 ஆண்டுகளுக்கு பிறகு, இப்போது மாடர்ன் சினிமா நிறுவனம், "சுவாமி ஐயப்பன் "சிடி விற்பனை உரிமத்தை பெற்றுள்ளது. "டிவிடி வடிவில் விற்பனைக்கு வந்துள்ள "சுவாமி ஐயப்பன் திரைப்படம், அதற்குள் அனைத்து கடைகளிலும் விற்றுத் தீர்ந்து விட்டது.