இந்த மாதம் பிற்பகுதியில் அதிக முன்னேற்றம் காணலாம். ஆம்! டிச. 23 க்கு பிறகு புதன் சாதகமான இடத்திற்கு வருகிறார். அதோடு கேது மற்றும் உங்கள் ராசிக்கு 3-ம் இடத்தில் இணைந்திருக்கும் சூரியன், சுக்கிரனும் நன்மை தருவார்கள். குரு டிச. 23ல், அதிசாரத்தில் இருந்து விடுபட்டு வக்ரம் அடைந்து கடக ராசிக்கு மாறுகிறார் . இது சுமாரான நிலை. அவர் பொருள் நஷ்டத்தையும், மன சஞ்சலத்தையும் ஏற்படுத்தலாம். குரு சாதகமற்ற இடத்தில் இருந்தாலும் அவரது 5-ம் இடத்துப்பார்வை சாதகமாக அமைந்துள்ளது. அதன்மூலம் எதையும் பொறுமையுடன் சமாளித்து வெற்றி காண்பீர்கள். பகைவர்களால் இடைஞ்சல் வரலாம். அரசு வகையில் அனுகூலமான போக்கு காணப்படவில்லை. டிச.24 முதல் பொருள் சேரும். குடும்பத்தில் மகிழ்ச்சி அதிகரிக்கும். கணவன்-மனைவி இடையே அன்பு நீடிக்கும். குழந்தை பாக்கியம் கிடைக்கும். பெண்கள் மிகவும் உதவிகரமாக இருப்பர்.
பணியாளர்கள் டிச. 23 வரை அதிக சிரத்தை எடுத்தே பணியாற்ற வேண்டியிருக்கும். யாருடைய உதவியையும் நாடாமல் தன் கையே தனக்கு உதவி என்ற எண்ணத்தில் உழைத்து முன்னேறுங்கள். அதன்பின் எடுத்தால்தான் கோரிக்கைகள் நிறைவேறும்.
தொழிலதிபர்கள், வியாபாரிகளுக்கு சூரியனால் செல்வாக்கு அதிகரிக்கும். பொருளாதார வளம் கூடும். லாபம் சிறப்பாக இருக்கும். எதிர்பாராத பணவரவு கிடைக்கும். கலைஞர்கள் புதிய ஒப்பந்தங்கள் பல பெற்று புகழும், பாராட்டும் கிடைக்க பெறுவர்.
அரசியல்வாதிகள் எதிர்பார்த்த பதவியை பெற முடியாது. அதே நேரம் செல்வாக்குக்கு பாதிப்பு வராது. மாணவர்கள் படிப்பில் வெற்றி காண்பர்.
விவசாயிகள் உழைப்புக்கு ஏற்ற வருமானத்தை காணலாம். புதிய சொத்து வாங்கும் திட்டம் தள்ளிப் போகும்.
பெண்கள் கணவன் மற்றும் குடும்பத்தாரிடம் நன் மதிப்பை பெற்று மகிழ்ச்சி அடைவர். புத்தாடை, நகை வாங்கலாம். உடல்நலம் சிறப்பாக இருக்கும்.