திட்டமிட்டு செயலாற்றும் மிதுன ராசி அன்பர்களே!

இந்த மாதம் 2ல் இருக்கும் குருவால் நன்மை தொடர்ந்து கிடைக்கும். சுக்கிரன் மே 31ல் இருந்து கடகத்திற்கு இடம் மாறினாலும் மாதம் முழுவதும் நற்பலன் அளிப்பார். புதன் மே 24ல் வக்கிரம் நிவர்த்தி அடைந்து, ராசிக்கு 11-ம் இடமான மேஷத்திற்கு மாறிய பின் நன்மை ஏற்படும். ராசிக்கு 12-ல் இணைந்திருக்கும் சூரியன், செவ்வாய் , 4-ல் உள்ள ராகு, 10-ல் உள்ள கேது ஆகியோரால் ஓரளவு பலன் கிடைக்கும். சனி பகவான் ஜூன் 12 முதல் வக்கிரம் அடைந்து துலாம் ராசிக்கு வருகிறார். அதன்பின் குடும்பத்தில் குழப்பத்தை உருவாக்கலாம். குடும்பத்தில் பெண்களால் சுகம் கிடைக்கும். பொன், பொருள் சேரும். விருந்து விழா என சென்று மகிழ்வீர்கள். மே 24க்கு பிறகு மகிழ்ச்சி அதிகரிக்கும். பண வரவு சிறப்பாக இருக்கும். மே 28,29-ந் தேதிகளில் உறவினர் வகையில் எதிர்பார்த்த நன்மை கிடைக்கும்.

தொழில், வியாபாரத்தில் மே 24க்கு பிறகு அமோக லாபம் கிடைக்கும். பணியாளர்களின் மீது அதிகாரிகளின் கருணை பார்வை கிடைக்கும். சூரியன் ராசிக்கு 12-ல் இருப்பதால் திடீர் இடமாற்றம் ஏற்பட வாய்ப்புண்டு.  

கலைஞர்கள் ரசிகர்களின் மத்தியில் புகழ் பெறுவர்.அரசியல் வாதிகள் அதிகமாக உழைக்க வேண்டியதிருக்கும்.

மாணவர்கள் முன்னேற்றம் காண்பர். ஜூன்24-ந் தேதிக்கு பிறகு மேல் படிப்பில் விரும்பிய பாடம் கிடைக்கும். ஆசிரியர்களின் ஆலோசனை பயன் உள்ளதாக அமையும்.

விவசாயிகள் நல்ல விளைச்சலும், வருமானமும் கிடைக்கப் பெறுவர். புதிய சொத்து வாங்க பொறுத்திருக்க நேரிடலாம்.

பெண்கள் கணவன் மற்றும் குடும்பத்தாரிடம் நற்பெயர் கிடைக்கப் பெறுவர்.மே25,26,27-ந் தேதிகளில் புத்தாடை அணிகலன்கள் வாங்கலாம்.உடல்நலம் செவ்வாயால் பித்தம், மயக்கம் போன்ற உபாதைகள் வரலாம். பொருள் விரயம் ஏற்படலாம். ஜூன் 8,9-ந் தேதிகளில் சுதந்திரமற்ற நிலையில் இருப்பீர்கள். பிறருக்கு கட்டுப்பட்டு போகும் நிலை உருவாகும்.

நல்ல நாள்: மே 15, 16, 17, 20, 21, 22, 25, 26, 27  ஜூன்  4, 5, 10, 11, 12, 13, 14

கவன நாள்:  ஜூன் 6, 7 சந்திராஷ்டமம்

அதிர்ஷ்ட எண்:  3, 9                  நிறம்: மஞ்சள்,வெள்ளை

பரிகாரம்: கேதுவுக்கு அர்ச்சனை செய்யுங்கள். துர்க்கை வழிபாடு நடத்துங்கள். ராகு கால பைரவர் பூஜையில் ஈடுபடுங்கள். நாக தேவதையை வணங்கி வாருங்கள்.