குருவை ஆட்சி நாயகனாகக் கொண்ட மீன ராசி அன்பர்களே!

இந்த மாதம் சூரியன் சாதகமாக உள்ளார். புதன் ஆக. 21வரையும், செப்.16க்கு பிறகும் நன்மை தருவார். வருமானம் அதிகமாக இருக்கும். சுக்கிரன் ஆக.24ல் வக்கிரம் அடைவதால் சாதகமான பலன் கொடுப்பார். பெரியோர் ஆலோசனை கிடைக்கும். நண்பர்கள் உதவிகரமாக இருப்பர். லாபம் அதிகரிக்கும். குடும்பத்தில் எடுத்த முயற்சி வெற்றி அடையும். சுபநிகழ்ச்சிகளில் கலந்து கொள்வீர்கள். செல்வாக்கு அதிகரிக்கும். கணவன் மனைவி இடையே கருத்துவேறுபாடு உருவாகலாம். விட்டுக் கொடுத்து போகவும். பெண்களால் பணம் கிடைக்கும். விருந்து, விழா என சென்று வருவீர்கள்.

தொழில், வியாபாரம் சிறப்படையும். புதிய தொழில் முயற்சியிலும் வெற்றி உண்டாகும். பொருளாதார வளம் கூடும். செப். 5,6 ல் எதிர்பாராத லாபம் கிடைக்கும்.

பணியாளர்கள் சுதந்திர உணர்வுடன் ஈடுபடுவர். பதவி உயர்வு காண்பர். அதிகாரிகள், சக ஊழியர்களின் ஆதரவும்
கிடைக்கும்.

கலைஞர்களுக்கு முயற்சியில் தடை, மனதில் சோர்வு ஆகியவை ஆக. 24க்குப் பிறகு மறையும். அதன் பின் புதிய ஒப்பந்தம் கிடைக்க பெறுவீர்கள்.

அரசியல்வாதிகள் எதிர்பார்த்த பதவியோடு நற்புகழ் கிடைக்க பெறுவர்.

மாணவர்கள் இந்த மாதத்தை பொறுத்தவரை கூடுதல் பலன் எதிர் நோக்கலாம்.

விவசாயிகள் போதிய வருமானம் காண்பர். நெல், கோதுமை, கரும்பு, சோளம், எள், கொள்ளு, கிழங்கு போன்ற பயிர்களில் நல்ல வருமானம் கிடைக்கும்.

பெண்கள் சிறப்பான நிலையில் இருப்பர்.ஆக. 21க்கு பிறகு கணவர் மற்றும் குடும்பத்தினர் வகையில் கருத்து வேறுபாடுவரலாம். தடைபட்ட திருமணம் நடந்தேறும். உடல்நலம் லேசாக பாதிக்கப்படலாம். பிள்ளைகள் நலனில் அக்கறை தேவை.

நல்ல நாள்: ஆக.18, 19, 25, 26, 27, 28, 31 செப். 1, 5, 6, 14, 15

கவன நாள்: ஆக. 20, 21, 22   செப். 16, 17  சந்திராஷ்டமம்

அதிர்ஷ்ட எண்: 1,5                   நிறம்: வெள்ளை, சிவப்பு

பரிகாரம்: நவக்கிரகங்களை சுற்றி வந்து வழிபடுங்கள். சனியன்று வீரபத்திரரை வழிபட்டு காக்கைக்கு அன்னமிடுங்கள். முருகன் கோவிலுக்கு சென்று வாருங்கள்.