காரியம் சாதிப்பதில் வல்லமையுள்ள ரிஷப ராசி அன்பர்களே!

சுக்கிரன் மூலம் எண்ணற்ற நன்மைகள் கிடைக்கும். பெண்களால் பொருள் சேரும். ஜூன் 13க்கு பிறகு பொருளாதார வளம் மேம்படும். செவ்வாயால் மனவேதனை ஏற்படலாம். மனைவி வகை உறவினர்களிடம் கருத்து வேறுபாடு வரலாம். கேதுவால் சிலரது வீட்டில் பொருட்கள் களவு போக வாய்ப்புண்டு. பயணத்தின் போது கவனம் தேவை.

தொழிலதிபர்கள், வியாபாரிகள் அதிகமாக அலைய வேண்டி இருக்கும். புதிய
முதலீடு வேண்டாம். ஜூன்3க்கு பிறகு போட்டி குறையும். மே 19,20,21ம் தேதிகளில் எதிர்பாராத வகையில் பணவரவு இருக்கும்.

பணியாளர்களுக்கு மேல் அதிகாரிகளின் ஆதரவு ஓரளவே இருக்கும். உங்கள் வேலையை அடுத்தவரிடம் ஒப்படைக்க வேண்டாம். வேலையில் பொறுமையும் நிதானமும் தேவை. மே 29, 30ல் எதிர்பாராத நன்மை நடக்கும். இடமாற்றம் வரலாம்.

மாணவர்களுக்கு கல்வியில் சுமாரான நிலை இருக்கும். அதிக சிரத்தை எடுத்தால் தான்
நினைத்ததை நிறைவேற்ற முடியும்.
கலைஞர்களுக்கு புதிய ஒப்பந்தங்கள், விருது கிடைக்கும்.
அரசியல்வாதிகளுக்கு இதுவரை இருந்த தடை, தோல்வி இருக்காது.

விவசாயிகளுக்கு சீரான பலன் கிடைக்கும். விளைச்சல் சுமாராக இருந்தாலும் உழைப்புக்கு தகுந்த வருமானம் இருக்கும். அதிக முதலீடு செய்ய வேண்டாம். விவசாயிகளுக்கு புதிய சொத்து வாங்க தாமதமாகும், வழக்கு, விவகாரங்களில் சுமூகநிலை உண்டாகும்.

பெண்கள் மகிழ்ச்சி பொங்க காணப்படுவர். புத்தாடை, நகை வாங்கலாம். விருந்து-விழா என சென்று வரலாம். அண்டை வீட்டாரிடம் மனக்கசப்பு வரலாம்.

நல்ல நாள்: மே 19, 20, 21, 22, 23, 29, 30, 31 ஜூன் 1, 4, 5, 8, 9, 10
கவன நாள்: மே 24, 25 சந்திராஷ்டமம்.
அதிர்ஷ்ட எண்: 4, 6      நிறம்: வெள்ளை

பரிகாரம்: நவக்கிரகங்களை சுற்றி வாருங்கள். சனிக்கிழமை ஏழைகளுக்கு உதவுங்கள். தட்சிணாமூர்த்தியை வழிபடுங்கள்.