பதிவு செய்த நாள்
11
ஜூன்
2016
02:06
தங்க குணம் கொண்ட தனுசு ராசி அன்பர்களே! (உற்சாகம் பிறக்கும்)
குரு, கேது ஆகியோர் சாதகமாக நின்று நன்மைகளை தருவார்கள். சுக்கிரன் ஜூலை 8ல் கடகத்திற்கு மாறி நன்மை தருவார். புதன் ஜூன் 20 வரையும், ஜூலை 6க்கு பிறகும் நற்பலனை கொடுப்பார். விருச்சிக ராசியில் இருக்கும் செவ்வாய் ஜூன் 19ல் வக்கிரம் அடைந்து துலாம் ராசிக்கு மாறியதும் நற்பலனை கொடுப்பார். அவரால் செயல்கள் வெற்றி பெறும். குடும்பத்தில் மகிழ்ச்சி அதிகரிக்கும். உற்சாகம் பிறக்கும். பணப்புழக்கம் அதிகரிக்கும். தேவைகள் பூர்த்தியாகும். குடும்பத்தில் இருந்த பின்னடைவு மறையும். உறவினர்கள் உதவிகரமாக இருப்பர். பிள்ளைகளால் மகிழ்ச்சியும் பெருமையும் அடையலாம்.
தொழில், வியாபாரத்தில் சீரான முன்னேற்றம் ஏற்படும். குரு, கேதுவால் தொழிலில் அதிக லாபத்தை எதிர்பார்க்கலாம். கூட்டாளிகளிடையே ஒற்றுமை ஏற்படும். ஜூலை 6-க்கு பிறகு புதிய வியாபாரம் சிறப்பாக நடக்கும். அதற்காக அதிக முதலீடு செய்ய வேண்டாம். ஜூன் 1,2ல் நல்ல பணவரவை எதிர்பார்க்கலாம். அரசு வகையில் இருந்து வந்த இடர்பாடு மறையும்.
பணியாளர்கள் பதவி உயர்வு காண்பர். வேலைப்பளு குறையும். அதிகாரிகள் அனுசரணையுடன் இருப்பர். ஜூன் 20க்கு பிறகு கோரிக்கைகள் நிறைவேறும்.
கலைஞர்களுக்கு பெண்கள் வகையில் இருந்த இடர்பாடு மாதக் கடைசியில் மறையும். விருது, பாராட்டு கிடைக்க வாய்ப்பு இருக்கிறது.
அரசியல்வாதிகள் நல்ல பதவி பெறலாம்.
மாணவர்களுக்கு மாதக்கடைசியில் சிறப்பு பலன்கள் நடக்கும். கல்வியில் முன்னேற்றம் ஏற்படும்.
விவசாயிகள் சீரான மகசூலை பெறுவர். புதிய சொத்து வாங்கும் எண்ணம் மாத பிற்பகுதியில் கைகூடும்.
பெண்களுக்கு திருமணம் போன்ற சுபநிகழ்ச்சிகள் நடக்கும்.
நல்ல நாள்: ஜூன் 15,16,17,20,21,22, 25,26, ஜூலை 1,2,3,4,5,10,11,12,13,14.
கவன நாள்: ஜூலை 6,7 சந்திராஷ்டமம்.
அதிர்ஷ்ட எண்: 3,7
நிறம்: சிவப்பு, மஞ்சள்
பரிகாரம்: ஊனமுற்றவர்களுக்கு உதவி செய்யுங்கள். நாகராஜாவை வணங்கி வாருங்கள். புதன்கிழமை பசுவுக்கு பசுந்தழை போடுங்கள்.