உலகின் பல நாடுகளில் தொன்றுதொட்டு திகழ்வது சூரிய வழிபாடு. எகிப்தில், சூரியதேவனை ‘ஆரோக்கியம் அளிப்பவர்’ எனும் பொருள் வரும்படி ‘ஆம்ன்- ரா ’ என்று அழைத்தார்கள். கி.மு. 14- ஆம் நூற்றாண்டிலேயே எகிப்து நாகரிகத்தில் சூரிய வழிபாடு இருந்து வந்துள்ளது என்பர். கிரேக்கர்கள் ‘அப்பல்லோ என்றும், ஈரான் தேசத்தவர் ‘மித்ரா என்றும் கதிரோனை வழிபட்டனர். இங்கிலாந்தில், குறிப்பிட்ட பழங்குடி இனத்தவர் சூரியனே உலகைப் படைத்தவர் என்று அவருக்கு விழா கொண்டாடுகிறார்களாம்.