இன்று முதல் தினமும் காலை, மாலை நேரங்களில், சுவாமிகளுக்கு சிறப்பு அபிஷேகம், அலங்கார பூஜைகள் மற்றும் பல்வேறு வாகனங்களில் சுவாமிகள் திருவீதி உலா நடக்கிறது. வரும் 26ம் தேதி, பஞ்சமூர்த்திகள் புறப்பாடு மற்றும் எம்பெருமான் கருட சேவை புறப்பாடு நடக்கிறது. 27ம் தேதி, திருக்கல்யாண உற்சவம் மற்றும் வெள்ளை யானை வாகனத்தில் திருவீதியுலா, அம்மன் பல்லக்கு சேவை மற்றும் அனுமன் வாகன திருவீதி உலா நடக்கிறது. வரும், 28ம் தேதி, அதிகாலை, 4:00 மணிக்கு, சிறப்பு அபிஷேகம், சுவாமிகள் திருத்தேரில் எழுந்தருளல் நிகழ்ச்சி நடக்கிறது. 28ம் தேதி, மதியம், 3:00க்கு, ஈஸ்வரன் கோவில் தேர் வடம் பிடித்தல், 29ம் தேதி, மதியம், பெருமாள் கோவில் தேரோட்டம் நடக்கிறது. 30ம் தேதி, பரிவேட்டை, 31ம் தேதி, தெப்பத்திருவிழா, ஜூன், 1ம் தேதி, மகா தரிசனம், 2ம் தேதி, மஞ்சள் நீராட்டு விழா, மலர் பல்லக்கு நிகழ்ச்சி நடக்கிறது.