சென்னை : ஹிந்து சமய அறநிலையத் துறையின், கொள்கை விளக்க குறிப்பு புத்தகத்தின் அட்டையில், அத்தி வரதர் புகைப்படம் அச்சிடப்பட்டுள்ளது. சட்டசபையில், நேற்று மாலை, ஹிந்து சமய அறநிலையத் துறை மானிய கோரிக்கை மீதான விவாதம் நடந்தது. அப்போது வழங்கப்பட்ட, துறையின் கொள்கை விளக்க குறிப்பு புத்தகத்தில், அத்தி வரதர் புகைப்படம் இடம் பெற்றிருந்தது. வழக்கமாக, ஜெயலலிதா படம் இடம்பெறும். இம்முறை, காஞ்சிபுரம், வரதராஜப் பெருமாள் கோவில் குளத்தில் இருந்து, 40 ஆண்டுகளுக்கு பின் எழுந்தருளியுள்ள, அத்தி வரதர் மற்றும் அவர் வாசம் செய்யும், கோவில் திருக்குளம் புகைப்படமும் இடம் பெற்றிருந்தது.