குரு ஸ்தலம்: இங்குள்ள சிவலிங்கத்தின் ஆவுடையார் (பீடம்) தாமரை இதழ் வடிவமாக காட்சியளிப்பது அதிசயமாகும். இவரை வழிபட்டவருக்கு குபேர சம்பத்து கிடைக்கும். அகத்திய மகரிஷி பூஜித்த மூர்த்தி என்பதால், பாவம் நீங்கி புண்ணியம் பெருகும். தலவிருட்சமாக கல்லால மரம் இருப்பதால் குரு மிதுனத்திற்கு பெயர்ச்சியாகி உள்ள இந்த சமயத்தில், இங்கு வழிபடுவது சிறப்பு. தட்சிணாமூர்த்தி, தனது சீடர்களான சனகாதி முனிவர்களுக்கு கல்லால மரத்தடியில் அமர்ந்து உபதேசம் செய்தது குறிப்பிடத்தக்கது. எனவே, இதை குரு ஸ்தலம் என்றும் சொல்கின்றனர்.

திருப்பணி: ஆயிரம் ஆண்டு பழமையான இக்கோயில் சிதிலமடைந்துள்ளது. மூலவர் சிவன், நந்தி, சண்டிகேஸ்வரர் தவிர மற்ற சிலைகள் கிடைக்கவில்லை. 15 ஆண்டுகளுக்கு முன், பாக்கம் கிராம மக்கள் கோயிலைச் சுத்தப்படுத்தி வழிபாடு செய்யத் தொடங்கினர்.