எஸ்.எஸ்.குளம் ஒன்றியத்தில், காலகாலேஸ்வரர் கோவில் முன், இந்து முன்னணி மாவட்ட செயற்குழு உறுப்பினர் அசோக்குமார் தலைமையில், தோப்புக்கரணம் போடும் போராட்டம் நடந்தது.l குறிச்சி பொங்காளியம்மன், வெள்ளலூர் தேனீஸ்வரர், ஈச்சனாரி விநாயகர், ஜி.டி., டேங்க் விநாயகர், குனியமுத்தூர் தர்மராஜா, அறம் வளர்த்த மாரியம்மன், ஐயப்பன் கோவில்கள் முன் தலா, நான்கு பேர் தோப்புக்கரணம் போட்டு, ஆர்ப்பாட்டத்தில் ஈடுபட்டனர்.l மதுக்கரையில் அறிவொளி நகர், மதுக்கரை மார்க்கெட், குவாரி ஆபீஸ் உட்பட, ஆறு இடங்களிலும், க.க.சாவடியில் குமிட்டிபதி உட்பட, 10 இடங்களில் தோப்புக்கரண ஆர்ப்பாட்டம் நடந்தது.

l தொண்டாமுத்தூர்ஒன்றிய இந்து முன்னணியினர், தொண்டாமுத்தூர் மாரியம்மன் கோவில், அரங்கநாதர் கோவில், பரமேஸ்வரன்பாளையம் கொங்கு திருப்பதி, தென்னமநல்லூர் கரியகாளியம்மன் கோவில், உலியம்பாளையம் மாரியம்மன் கோவில் உள்ளிட்ட கோவில்களின் முன், கற்பூரம் ஏற்றி, தோப்புக்கரணமிட்டனர்.l மேட்டுப்பாளையம் நகரில், கோவை இந்து முன்னணி கோட்ட செயலாளர் ராஜ்குமார் தலைமையில், சக்தி விநாயகர் கோவிலில் சூடம் ஏற்றி, தோப்புக்கரணம் போராட்டம் நடந்தது.