அதன்படி பார்வதி காஞ்சிபுரத்தில் காமாட்சியாக தவம் செய்து ஏகாம்பரேஸ்வரரை மணந்தாள். பின்பு திருவண்ணாமலை செல்லும் வழியில் உள்ள  48 நாட்கள் இத்தலத்தில் தங்கினாள்.  தேவி தங்கியதால் ‘தேவிகா புரம்’ எனப் பெயர் பெற்றது.  காஞ்சிபுரத்தில் காமாட்சிக்கு தனி கோயில் இருப்பது போல, இங்கும் அம்மன் பெரியநாயகி என்ற பெயரில் தனிக்கோயில் வீற்றிருக்கிறாள். கோயிலின் பின்புறம் 500 அடி உயரமும், 5 கி.மீ. சுற்றளவும், 302 படிகளும் கொண்ட கனககிரி என்னும் மலை உள்ளது. இதன் உச்சியில் சுயம்பு மூர்த்தியாக கனக கிரீஸ்வரர் என்னும் பெயரில் சிவன் இருக்கிறார். கருவறையில் சுவாமிக்கு அருகில் காசி விஸ்வநாதர் இருக்கிறார்.   ஒருமுறை வேடன் ஒருவன் மலையில் கிழங்கு அகழ்ந்தெடுக்க முயன்ற போது ரத்தம் பீறிட்டது. அங்கு சிவலிங்கம் இருப்பதைக் கண்டான். சுவாமிக்கு காயம் ஏற்பட்டதால் அவருக்கு வெந்நீரால் அபிேஷகம் செய்து பிராயச்சித்தம் தேடினான்.  இதனடிப்படையில் திங்கட்கிழமை தோறும் சுவாமிக்கு வெந்நீர் அபிஷேகம் நடக்கிறது. இத்தீர்த்தத்தை அருந்தினால் நாள்பட்ட நோயும் பறந்தோடும். மலையில் 48 நாட்கள் தங்கியிருந்து பார்வதி தவம் செய்ததன் அடையாளமாக மலை மீது அம்மனின் திருவடி உள்ளது.