500 ஆண்டுக்கு முன் மன்னர் ஆட்சி காலத்தில் ‘மூளிப்பட்டி’ என்னும் இப்பகுதி புதராக இருந்தது. அரண்மனை பசுக்கள் தினமும் மேய்ச்சலுக்கு வந்த சமயத்தில் ஒரு பசு மட்டும் பால் தர மறுத்தது. அதை கண்காணிக்கும்படி மன்னர் உத்தரவிட, குறிப்பிட்ட இடத்தில் பசு பால் சொரிவதை பணியாட்கள் கண்டனர்.

புதரை தோண்ட முயன்ற போது ரத்தம் பீறிட, அங்கு சிவலிங்கம்  இருப்பதைக் கண்டனர். மன்னர் உத்தரவால் மண்கோட்டை எழுப்பப்பட்டு தவசிலிங்க சுவாமி என்னும் பெயரில் வழிபடத் தொடங்கினர்.மன்னர், ஜமீன்தார்களால் திருப்பணி செய்யப்பட்ட இக்கோயிலில் 1996, 2008 ஆண்டுகளில் கும்பாபிேஷகம் நடத்தப்பட்டது. தமிழக பால்வளத்துறை அமைச்சர் ராஜேந்திர பாலாஜியின் குலதெய்வக் கோயிலான இங்கு திருப்பணி நடத்தப்பட்டு 2020 ஆக.28ல் கும்பாபிேஷகம் நடந்தது. கருங்கல்லால் ஆன கருவறையில் தவசிலிங்க சுவாமியும், அவருக்கு பின்புறம் பூர்ணகலா, புஷ்கலாவுடன் அய்யனார் அமர்ந்த கோலத்தில் அருள்புரிகிறார். இந்த அமைப்பை வேறெங்கும் காண முடியாது. பிரகாரத்தில் பைரவர், வேட்டை கருப்பசாமி, கன்னிமார், கண்திருஷ்டி விநாயகர், தட்சிணாமூர்த்தி, துர்க்கை, வள்ளி தெய்வானையுடன் சுப்பிரமணியர் என 32 சன்னதிகள் உள்ளன. தலையில் கங்கை வழிந்தோடும் நிலையில் 12 அடி உயர சிவபெருமான் தியான நிலையில் காட்சி தருகிறார். இங்கு ஒருமுறை வந்தாலும் எதிர்பார்ப்பு நிறைவேறும். மனக்கஷ்டம் பஞ்சாக பறந்தோடும்.   

எப்படி செல்வது: விருதுநகர்– அழகாபுரி  சாலையில்  16 கி.மீ.,