திருப்பூர் : ஆயுதப்படை போலீஸ் அலுவலகம் கட்ட, ஒதுக்கப்பட்ட கோவில் நிலத்தை திரும்ப ஒப்படைக்க வலியுறுத்தி, ஏழு கிராமங்களைச் சேர்ந்த பொதுமக்கள், திருப்பூரில், ஆறு மணி நேரம் மறியல் போராட்டத்தில் ஈடுபட்டனர்.

திருப்பூர், மங்கலம் ரோடு, ஆண்டிபாளையத்தில், நுாற்றாண்டு பழமையான மாரியம்மன் கோவில் உள்ளது. கோவிலுக்கு சொந்தமாக, 10 ஏக்கர் நிலம் உள்ளது. ஆண்டுதோறும் சித்திரை மாத திருவிழாவை, அப்பகுதியினர் கொண்டாடி வருகின்றனர்.தற்போது அந்த இடம், மாநகர ஆயுதப்படை அலுவலகம் மற்றும் குடியிருப்பு கட்ட ஒதுக்கப்பட்டது. கோவில் நிலத்தை, கோவிலுக்கே ஒப்படைக்க வேண்டும் என வலியுறுத்தி, ஏழு கிராமங்களைச் சேர்ந்த பொதுமக்கள், திருப்பூர், மங்கலம் ரோடு, பெரியாண்டிபாளையம் பிரிவில், நேற்று காலை, 9:00 மணிக்கு மறியலில் ஈடுபட்டனர்.

அவற்றில், கலெக்டர் அலுவலகம், கோர்ட், பஸ் ஸ்டாண்ட் கட்டப்பட்டுள்ளன.ஆன்மிக பெரியோர் கொண்ட குழுவை ஏற்படுத்தி, கோவில்களை பராமரிக்க வேண்டும் என, பல ஆண்டுகளாக அரசை வலியுறுத்தி வருகிறோம். திருப்பூர், பெரியாண்டிபாளையம் மாரியம்மன் கோவில் இடத்தை, கண்டிப்பாக மீட்க முயற்சி செய்வோம். இதற்காக, தொடர்ந்து போராட்டம் நடத்துவோம்.இவ்வாறு, அவர் கூறினார்.

« முந்தைய

அடுத்து »