பெரம்பலுார்:  பெரம்பலுார் அருகே, அஸ்திவாரம் தோண்டியபோது 6 சுவாமி சிலைகள் கண்டெடுக்கப்பட்டது. பெரம்பலுார் மாவட்டம், குரும்பலுார் கிராமத்தை சேர்ந்த விவசாயி ராமசாமி மகன் வெங்கடேஷ்,29, இவர், வீடு கட்டுவதற்காக அஸ்திவாரம் போட குழி தோண்டியுள்ளார். 6 அடி ஆழத்திற்கு தோண்டியபோது சிலைகள் மண்ணுக்குள் புதைந்து இருந்தது தெரியவந்தது. பக்கவாட்டில் சுற்றிலும் குழி தோண்டப்பட்டு மண்ணில் புதைந்திருந்த சுமார் ஒரு அடி உயரமுள்ள 6 சுவாமி சிலைகள் வெளியே எடுக்கப்பட்டது. தகவலறிந்த, வருவாய்த்துறை அலுவலர்கள் குரும்பலுார் கிராமத்திற்கு வந்து சிலையை பார்வையிட்டு ஆய்வு செய்தனர். இதுகுறித்து, தொல்லியல துறையினருக்கு தகவல் தெரிவிக்கப்பட்டுள்ளதாக வருவாய்த்துறையினர் தெரிவித்தனர்.