சென்னிமலை: சென்னிமலை முருகன் கோவிலில், படிக்கட்டு வழியாக புனித நீர் கொண்டு செல்ல, புது காளைக்கு பயிற்சி தரப்படுகிறது.

சென்னிமலை முருகன் மலை கோவிலுக்கு, அடிவாரத்தில் உள்ள தீர்த்த கிணற்றில் இருந்து, தினமும் காலை, 8:00 மணி பூஜைக்கு, பொதி காளை மூலம், 1,320 படிக்கட்டுக்கள் வழியாக புனித நீர் கொண்டு செல்லப்படுகிறது. குடங்களில் தீர்த்தம் எடுத்து, மூங்கில் கூடையில் வைத்து, காளை மீது வைத்து எடுத்து வைக்கப்படும். கோவில் பணியாளர்கள் காளை மாட்டை ஓட்டி செல்வர். இதற்காக கோவில் கோசாலையில், இரண்டு பொதி காளை பராமரிக்கப்படுகிறது. இதில் ஒரு காளைக்கு வயதாகி விட்டதால், புது காளைக்கு, கடந்த சில நாட்களாக பயிற்சி அளிக்கப்பட்டு வருகிறது. இதற்காக வழக்கமாக தீர்த்தம் கொண்டு செல்லும் காளை மாட்டுடன், புது காளையையும் ஓட்டி சென்று, பயிற்சி தருகின்றனர். சில மாதங்கள் இந்த பயிற்சி தொடரும். நன்கு பயிற்சி பெற்ற பிறகு, தீர்த்தம் கொண்டு செல்ல பயன்படுத்த தொடங்குவோம் என்று, பணியாளர்கள் தெரிவித்தனர்.