மேட்டுப்பாளையம்: காரமடை அரங்கநாதர் கோவிலில், மாசி மகத்தேர்த் திருவிழா, கொடியேற்றத்துடன் துவங்கியது.

கோவை மாவட்டத்தில் பிரசித்தி பெற்ற வைணவ ஸ்தலம், காரமடை அரங்கநாதர் கோவில். இங்கு ஆண்டுதோறும் மாசிமகத் தேர்த்திருவிழா நடைபெறும். இந்த ஆண்டு தேர்த்திருவிழா நேற்று கொடியேற்றம் நடந்தது. முன்னதாக நேற்று இரவு கிராம சாந்தி நடந்தது. நேற்று காலை மூலவருக்கு சிறப்பு திருமஞ்சனம், தேருக்கு முகூர்த்தகால் பூஜை, கங்கணம் கட்டுதல், காலசந்தி பூஜை நடந்தது. ஸ்ரீதேவி பூதேவி சமேதராக அரங்கநாத பெருமாள் கோவிலை வலம் வந்து, யாகசாலையில் எழுந்தருளினார். அங்கு விஷ்வக்சேனர் ஆராதனை கலச ஆவாஹனம் நடந்தது.

கருட உருவம் பொறித்த கொடிக்கு, உபசாரங்கள் செய்து பஞ்ச தரிசனங்கள் முடிந்தபின்பு, கொடியை கோவிலை வலம் வந்து கொடிக்கம்பத்தின் கீழ் வைத்தனர். கருடாழ்வாருக்கு பால், தயிர், இளநீர், தேன், சந்தனம், பன்னீர், பழவகைகள் ஆகியவற்றால் சிறப்பு அபிஷேகம் செய்து, அலங்கார பூஜையும் தீபாராதனையும் செய்தனர். அதன்பின்பு கொடிமரத்தில் கருட உருவம் பொறித்த கொடி ஏற்றப்பட்டது. கோவிலில் இருந்து, சிறிது தூரம் தள்ளி இரு இடங்களில், மூன்று பருந்துகள் வானில் வட்டமிடும் வலம் வந்தன. அப்போது அப்போது தொகுதியில் இருந்த நூற்றுக்கணக்கான தாசர்கள் சேகண்டி அடித்தும், சங்கு ஊதினர். விழாவில்,14ம் தேதி கருட சேவையும், 15ல் பெட்டதம்மன் அழைப்பும், 16ல் திருக்கல்யாண உற்சவம் நடைபெற உள்ளது. 17ஆம் தேதி காலை,5:30 மணிக்கு ஸ்ரீதேவி பூதேவி சமேதராக அரங்கநாத பெருமாள் தேருக்கு எழுந்தருளுகிறார். மாலை, 4:00 மணிக்கு தேரோட்டம் நடைபெற உள்ளது. விழா ஏற்பாடுகளை கோவில் செயல் அலுவலர் லோகநாதன், அர்ச்சகர்கள், அலுவலர்கள் செய்து வருகின்றனர். விழாவில் ஸ்தலத்தார், மிராசுதாரர்கள், பக்தர்கள் பங்கேற்றனர்.