மேலூர்: மேலுார், அம்பலகாரன்பட்டியில் உள்ள வல்லடிகாரர் கோயில் திருவிழாவை முன்னிட்டு வெள்ளலுார் மந்தையில் அம்பலகாரர்கள் தலைமையில் இன்று(மார்ச் 4) பாரதம் படித்து நாள் வைக்கும் நிகழ்ச்சி நடைபெறுகிறது. மார்ச் 11 கொடியேற்றமும், அதனைத் தொடர்ந்து மார்ச் 12 முதல் மார்ச் 16 வரை சுவாமி புறப்பாடு நடைபெறுகிறது. மார்ச் 17 மஞ்சுவிரட்டும், மாலையில் பூரணி மற்றும் பொற்கலை அம்பாளுடன் வல்லடிகாரருக்கு திருக்கல்யாணம் நடைபெறுகிறது. மார்ச் 18 ல் கிடாவெட்டி பொங்கல் வைக்கும் நிகழ்ச்சியும் அன்று இரவு வெள்ளிரதத்தில் சுவாமி அம்பாளுடன் பக்தர்களுக்கு அருள் பாலிக்கிறார். மார்ச் 19 தேரோட்டமும், மார்ச் 20 ல் மஞ்சள் நீராட்டுடன் திருவிழா நிறைவு பெறுகிறது.