திருப்புவனம்: திருப்புவனம் எல்லை காவல் தெய்வமான ரேணுகாதேவி பூமாரியம்மன் கோயில் மாசி திருவிழாவில் ஏராளமான பக்தர்கள் அக்னிசட்டி ஏந்தி நேர்த்தி கடன் செலுத்தினர். மாரியம்மன் கோயில் மாசி திருவிழா கடந்த 24ம் தேதி இரவு கொடி ஏற்றத்துடன் தொடங்கியது. திருப்புவனத்தைச் சுற்றியுள்ள கிராமங்களில் இருந்து விரதமிருந்த பக்தர்கள் அக்னிசட்டி, பொம்மை, ஆயிரம் கண் பானை ஏந்தி வந்து நேர்த்தி கடன் செலுத்தினர். விழாவின் நிறைவு நாளான இன்று பக்தர்கள் கோயில் வளாகத்தில் பொங்கல் வைத்து அம்மனை வழிபட்டனர். திருவிழாவை முன்னிட்டு ரோட்டின் இருபுறமும் ஏரளாமான சிறு வியாபாரிகள் கடைகள் அமைத்திருந்தனர். பக்தர்களுக்கு தாகம் தணிக்க நீர்மோர் பந்தல், அன்னதானம் நடந்தது.