மானாமதுரை: மானாமதுரை ஆனந்தவல்லி சோமநாதர் கோயிலில் கொரோனா ஒழிய வேண்டியும் உலக நன்மைக்காகவும் திருவிளக்கு பூஜை நடைபெற்றது.

சிவகங்கை சமஸ்தானம் தேவஸ்தானம் நிர்வாகத்திற்கு உட்பட்ட மானாமதுரை ஆனந்தவல்லி சோமநாதர் திருக்கோயிலில் கொரோனா தொற்று ஒழியவேண்டியும், உலக நன்மைக்காகவும் நடைபெற்ற திருவிளக்கு பூஜையை சிவகங்கை சமஸ்தானம், தேவஸ்தானம் மேலாளர் இளங்கோ குத்துவிளக்கேற்றி துவக்கி வைத்தார்.திருவிளக்கு பூஜையை முன்னிட்டு உற்சவர் ஆனந்தவல்லி அம்மன் கோயில் மண்டபத்தில் சர்வ அலங்காரங்களுடன் எழுந்தருளினார். இதனைத் தொடர்ந்து திருவிளக்கு பூஜையில் கலந்து கொண்ட பெண்கள் திருவிளக்கை ஏற்றி சுவாமி தரிசனம் செய்தனர்.திருவிளக்கு பூஜையில் மானாமதுரை மற்றும் சுற்றுவட்டார பகுதிகளை சேர்ந்த ஏராளமான பக்தர்கள் கலந்து கொண்டனர்.திருவிளக்கு பூஜையில் அர்ச்சகர் பரத்வாஜ் ஆன்மீகச் சொற்பொழிவாற்றினார். பூஜைக்கான ஏற்பாடுகளை ஆனந்தவல்லி அம்மன் கோயில் மகளிர் உழவாரப்பணி குழுவினர் செய்திருந்தனர்.