கமுதி: கமுதி அருகே புதுக்கோட்டை கிராமத்தில் நிறைகுளத்து அய்யனார், மூர்த்தி விநாயகர், முத்தாலம்மன், அழகுவள்ளி, முப்பிடாரி அம்மன் கோயில் 9ம் ஆண்டு பொங்கல், முளைப்பாரி திருவிழா நடந்தது. இதனை முன்னிட்டு பக்தர்கள்​ கோயில் முன்பு பொங்கல் வைத்து நேர்த்திகடன் செலுத்தினர்.கிராமத்தின் முக்கிய வீதிகளில் முளைப்பாரி தூக்கி ஊர்வலமாக சென்றனர். அய்யனார் உட்பட பரிவார தெய்வங்களுக்கு அபிஷேகம்,சிறப்பு பூஜைகள் நடந்தது. பின்பு கிராமமக்கள் சார்பில் 207 விளக்குபூஜை நடந்தது.