இரவு மகுட இசையும், வில்லிசையும் நடந்தது. நேற்று காலை கணபதி ஹோமம், தாமிரபரணி நதியிலிருந்து அம்பாளுக்கு பால்குடம் எடுத்தும் வரும் நிகழ்ச்சியும், மதியம்11 மணிக்கு அபிஷேகமும் உச்சி கால பூஜையும், மாலை தாமிரபரணியிலிருந்து திருமஞ்சன குடம் எடுத்து வீதி வலம் வரும் நிகழ்ச்சி நடந்தது. இரவு 8 மணிக்கு வில்லிசையும், அதைத்தொடர்ந்து கரக ஆட்டம், குறவன்குறத்தி ஆட்டம் நடந்தது. இரவு 12 மணிக்கு அம்பாளுக்கு அலங்கார தீபாராதனையும் இரவு 1 மணிக்கு வாணவேடிக்கையுடன் அம்பாள் நகர் வலம் வரும் நிகழ்ச்சி நடந்தது. விழாவில் இன்று (29ம்தேதி) காலை10 மணிக்கு அம்பாள் மஞ்சள் நீராடி மேளம் மற்றும் மகுடத்துடன் வீதிவலம் வரும் நிகழ்ச்சி நடக்கிறது. இரவு 9 மணிக்கு மகுட இசையும், 30ம்தேதி இரவு இன்னிசை நிகழ்ச்சியும் நடக்கிறது. விழா ஏற்பாடுகளை யாதவர் சமுதாய கொடைவிழா கமிட்டியினர் செய்து வருகின்றனர்.

« முந்தைய

அடுத்து »