திருச்செந்துார் கடற்கரையோரம் அமைந்துள்ள, அய்யா வைகுண்டர் அவதாரபதியில், 190-வது குண்டர் ஆண்டு ஆடி திருவிழா நேற்று கொடியேற்றத்துடன் துவங்கியது . இத்திருவிழா வரும் ஆக., 1ம்தேதி வரை 11 நாட்கள் விமரிசையாக நடக்கிறது. திருவிழாவின் முதல் நாளான நேற்று அவதாரபதியில் காலை 5:00 மணிக்கு உகப்படிப்பும், பணிவிடையும் நடந்தது. தொடர்ந்து கொடிப்பட்டம் அவதாரபதியை ஒரு முறையும், கொடி மரத்தை 5 முறையும் சுற்றி வலம் வந்தது. பின்னர் 7:05 மணிக்கு அய்யாவழி அகில திருக்குடும்ப மக்கள் சபை தலைவர் வள்ளியூர் தர்மர் திருவிழா கொடியேற்றினார். தொடர்ந்து 7:30 மணிக்கு புஷ்ப வாகனத்தில் அய்யா பவனி நடந்தது. பகல் 12:00 மணிக்கு உச்சிப்படிப்பு, பணிவிடைக்கு பின்னர் அன்னதர்மம் வழங்கப்பட்டது. மாலை 4:00 மணிக்கு உகப்படிப்பு, பணிவிடையும், மாலை 5:00 மணிக்கு புஷ்ப வாகனத்தில் அய்யா பவனியும் நடந்தது. நிகழ்ச்சியில், திருச்செந்துார் சார்பு நீதிபதி வக்ஷித்குமார், அன்பாலயம் நிறுவனர் குரு சிவச்சந்திரன், திருச்செந்துார் சுப்பிரமணிய சுவாமி கோயில் தக்கார் பிரதிநிதி பாலசுப்பிரமணிய ஆதித்தன், அய்யாவழி அகில திருக்குடும்ப மக்கள் சபை சட்ட ஆலோசகர் வக்கீல் ந்திரசேகரன், செயலாளர் ன்னுத்துரை உட்பட திரளான பக்தர்கள் கலந்து கொண்டனர். திருவிழா காலங்களில் ஒவ்வொரு நாளும் அய்யா வைகுண்டர், புஷ்ப வாகனம், மயில் வாகனம் , அன்ன வாகனம், வாகனம், கருட உள்ளிட்ட பல்வேறு வாகனத்தில் எழுந்தருளி பவனி வந்து பக்தர்களுக்கு அருள்பாலிக்கிறார். 11-ம் திருநாளான ஆக., 1ம் தேதி பகல் 12:05 மணிக்கு தேரோட்டம் நடக்கிறது.

« முந்தைய

அடுத்து »