மேலூர்:  வீரசூடாமணிபட்டியில் மழை பெய்து எல்லா வளமும் கிடைக்க வேண்டியும், நோய் நொடியில்லாமல் வாழ வேண்டி பக்தர்கள் ஆடு, சேவல்களை காணிக்கையாக கொடுத்து நேர்த்திக்கடன் செலுத்தினர்.

மேலூர், விரசூடாமணிபட்டியில் உள்ள ஐந்து முழி அழகி ஆத்தாள் கோயில் திருவிழாவை முன்னிட்டு ஜூலை 25 முதல் பக்தர்கள் காப்பு கட்டி விரதமிருந்தனர். எட்டாம் நாள் முடிவான நேற்று கச்சிராயன்பட்டி, வீரசூடாமணிபட்டி உள்ளிட்ட கிராமங்களை சேர்ந்த நேர்த்திக்கடன் வேண்டி கிடைக்கப்பெற்ற பக்தர்கள் 78 ஆடுகளும், 702 சேவல்களை காணிக்கையாக கொடுத்தனர். அதனைத் தொடர்ந்து கோயில் வீட்டு முன்பு மண்பானையில் ஆடு, சேவல் கறிகளை வைத்து அதன் மேல் வேப்ப இழைகளை போட்டு அவித்து மழை பெய்து எல்லா வளமும் கிடைக்க வேண்டி அம்மனுக்கு படையல் இட்டனர். அதற்கு முன்பாக மத நல்லினக்கத்தை வலியுறுத்தும் விதமாக கிராமத்து சார்பில் வாங்கப்பட்ட சக்கரையை இஸ்லாமியர் சக்கரை வழங்கும் பாறையில் வைத்து தொழுகை நடத்தி பின்னர் பக்தர்களுக்கு வழங்கினர். அதனைத் தொடர்ந்து காணிக்கை கொடுத்தவர்களுக்கு படையிலிடப்பட்ட பிரசாதம் பிரித்து கொடுக்கப்பட்டது வேப்ப இழையை போட்டு சமைத்தாலும் அம்மனுக்கு படையல் இடுவதால் கசக்காது என்பது குறிப்பிடத்தக்கது.