பழநி: பழநி மலை கோயில் நிர்வாகத்தின் உப கோயிலான பெரியநாயகி அம்மன் கோவிலில் செப்.26 முதல் அக்.4 வரை நவராத்திரி விழா கொண்டாடப்பட உள்ளது. பழநி மலைக்கோயில் நிர்வாகத்தின் உப கோயிலான கிழக்கு ரத வீதியில் உள்ள பெரிய நாயகி அம்மன் கோவிலில் செப்., 26ல் நவராத்திரி விழா துவங்க உள்ளது. மாலை 6:00 மணிக்கு சிறப்பு அபிஷேகம், அலங்காரம் நடைபெறும்.

நவராத்திரி விழாவில், 9 நாட்களும் பக்தி இசை, சொற்பொழிவு, நாட்டியம்உள்ளிட்ட நிகழ்ச்சிகள் கோவிலில் நடைபெறும். ஒன்பதாம் நாளான அக்., 4ல் மலைக்கோயிலில் பகல் 1:30 மணிக்கு . சாயரட்சை பூஜை நடைபெறும். அதன் பின் பராசத்தி வேல் புறப்பட்டு பெரியநாயகி அம்மன் திருக்கோயிலை அடையும். தங்கக் குதிரை வாகனத்தில் முத்துக்குமாரசுவாமி புறப்பட்டு கோதை மங்கலத்தில் அம்பு போடுதல் நிகழ்வு நடைபெறும். அதன்பின் சுவாமி பெரியநாயகியம்மன் கோயிலை வந்தடைந்து, பராசக்தி வேல் மலைக்கோயில் அடைந்த பின் அர்த்த சாம பூஜை நடைபெறும். இணை ஆணையர் நடராஜன் தலைமையில் கோயில் நிர்வாகம் விழா ஏற்பாடுகள் நடைபெற உள்ளன.