கோவில்பட்டி: கோவில்பட்டி, செண்பக வல்லி அம்மன் உ டனுறை பூவனநாத சுவாமி கோயில், ஐப்பசி திருக்கல்யாணத் திருவிழா, கொடியேற்றத்துடன் நேற்று துவங்கியது. முக்கிய நிகழ்ச்சியான தேரோட்டம் வரும் 19ம் தேதியும், திருக்கல்யாணம் 22ம் தேதியும் நடக்கிறது.

கொடியேற்றத்தை முன்னிட்டு, கோயில் நடை அதிகாலை 5:00 மணிக்கு திறக்கப்பட்டது. தொடர்ந்து, திருவனந்தல் மற்றும் திருப்பள்ளி எழுச்சி பூஜை நடந்தது. காலை 7:00 மணிக்கு மேல் கொடிமரத்திற்கு அபிஷேகம் மற்றும் அலங்கார தீபாராதனை நடந்தது. அதனைத் தொடர்ந்து, சுவாமி, அம்பாளுக்கு சிறப்பு அபிஷேகம் மற்றும் பூஜை நடந்தது. பின்னர், 7:45 மணிக்கு திருக்கல்யாணத் திருவிழா கொடியேற்றப்பட்டது.  அதைத் தொடர்ந்து நந்தி, கொடிமரம், பலிபீடம் ஆகியவற்றிற்கு, 21 வகையான பொருட்கள் கொண்டு சிறப்பு அபிஷேகம் மற்றும் அலங்கார தீபாராதனை நடந்தது.  நிகழ்ச்சியில், மண்டக படிதாரர்கள், கோயில் முன்னாள் அறங்காவலர் குழு தலைவர் ராஜகுரு, முன்னாள் உறுப்பினர் திருப்பதிராஜா, தி.மு.க., றியாளரணி துணை அமைப்பாளர் ரமேஷ், கம்மவார் மகளிர் ல்நிலைப் பள்ளி நிர்வாகக் குழு உறுப்பினர் ஆழ்வார்சாமி, த.மா.கா., கரத் தலைவர் ராஜகோபால், கோயில் நிர்வாக அலுவலர் , ஆய்வாளர் சிவகளைபிரியா உட்பட திரளான பக்தர்கள் கலந்து கொண்டனர். இரவு 7:30 மணிக்கு, புஷ்பசப்பரத்தில் அம்மன் திருவீதியுலா நடந்தது. விழா நாட்களில் தினமும் இரவு 7:30 மணிக்கு வெவ்வேறு வாகனத்தில் அம்மன் திருவீதி உலா பெறும். 9ம் திருநாளான வரும் 1 9 ம் தேரோட்டம் மற்றும் 12ம் திருநாளான 22ம் தேதி இரவு 7:30 மணிக்கு , கோயில் மண்டபத்தில் திருக்கல்யாண நிகழ்ச்சி நடைபெறும்.