மேலுார்: மேலுார் வஞ்சிநகரத்தில் கற்சிலைகள், கோயில், துாண்களில் பிராமிய வட்ட எழுத்துக்கள் காணப்படுவதால் தொல்லியல் துறையினர் ஆய்வு செய்து வரலாற்று பின்னணியை வெளிக்கொணர வேண்டும்.

வஞ்சிநகரம் ஊராட்சி கள்ளங்கரடு எனும் இடத்தில் 300 ஏக்கர் பரப்பளவில் வனப்பகுதியாக உள்ளது. மழைக்கு கற்சிலை வெளியே தெரியவே பக்தர்கள் தோண்டினர். நந்தி சிலை, சிவலிங்கம், பீடம் கண்டெடுக்கப்பட்டன. பழனிச்சாமி: 300 ஏக்கர் பரப்பளவில் 10 ஏக்கர் பரப்பளவில் கள்ளன்கரடு பகுதி ஒரு பெரிய நகரமாக இருந்தது. அது அழிந்து போனதற்கான அடையாளங்கள் மற்றும் 700 ஆண்டுகளுக்கு முன் பாண்டிய மன்னன் முதலாம் மாறவர்மன் சுந்தரபாண்டியனால் கி.பி. 1223ல் கட்டப்பட்டதற்கான ஆதாரங்களை அங்குள்ள அகிலாண்டேஸ்வரி அகளங்கேஸ்வரர் கோயில் பிராமிய எழுத்துக்களால் ஆன கல்வெட்டுக்கள் குறிப்பிடுகின்றன. முகலாய பேரரசுகள் படை எடுத்து வரும்போது இப் பகுதி அழிக்கப்பட்டதாக கூறுகிறார்கள். எனவே இப்பகுதியை தொல்லியல்துறையினர் அகழ்வாராய்ச்சி செய்து புதைந்து கிடக்கும் வரலாற்றை வெளிப்படுத்த வேண்டும் என்றார்.