பழநி: பழநி மலைக்கோயிலில் பிரகார சன்னதிகள், படி பாதை சன்னதிகளுக்கு கருவறை பாலாலயம் நடைபெற்றது.

பழநி, மலைக்கோயில் கும்பாபிஷேக பணிகள் நடைபெற்று வருகிறது. இதில் மலைக்கோயில் தென்மேற்கு மூலையில் உள்ள பெரியநாயகி அம்மன், பிரகதீஸ்வரர் சன்னதிகளுக்கும், படிப்பாதையில் உள்ள இடும்பன், கடம்பன், அகஸ்தியர், சிவகிரீஸ்வரர், இடும்பன் சன்னதிக்கு பின்புறம் உள்ள நிழல் மண்டப விநாயகர், இடும்பன் சன்னதிக்கு கிழக்குபபுறமுள்ள விநாயகர், ஆரிய மண்டபத்தில் உள்ள வள்ளியம்மை சன்னதிகளுக்கு கருவறை பாலாலய பூஜைகள் நடந்தது.

டிச.,10. மாலை 5:00 மணிக்கு சொக்க விநாயகர், தண்டாயுதபாணி சுவாமி அனுமதி பெற்று பாரவேல் மண்டபத்தில் பூஜைகள் துவங்கி, மாலை 6:45 மணிக்கு கலாகர்ஷணம், வேள்வி சாலை அடைதல், முதல் வேள்வி நடந்தது. நேற்று(டிச.,11) காலை 8:30 மணிக்கு இரண்டாவது கால வேள்வி நடைபெற்றது. பேரொளி வழிபாடு, நிறைவு வேள்வி, திருக்குடங்கள் திருவுலா நடந்தது. பாலஸ்தாபனம் திருப்பணி துவங்கி திருநீறு திருவமுது வழங்குதல் நடை பெற்றது. இதேபோல் படிப்பாதையில் உள்ள இடும்பன், கடம்பன், அகஸ்தியர், சிவகிரீஸ்வரர், இடும்பன் சன்னதிக்கு பின்புறம் உள்ள நிழல் மண்டப விநாயகர் இடும்பன் சன்னதிக்கு கிழக்குபபுறமுள்ள விநாயகர் சன்னதி கருவறை பாலாலயம் நடைபெற்றது. ஆரிய மண்டபத்தில் உள்ள வள்ளியம்மை சன்னதியின் கருவறை பாலாலயம் நேற்று (டிச.11) காலை 6:30 மணிக்கு அனுமதி பெறுதல். பூர்வாங்க பூஜைகள் துவங்கியது. கலாகர்ஷணம், வேள்வியை துவங்கியது. காலை 8:15 மணிக்கு நிறைவு வேள்வி, திருக்குட ஞாண திருஉலா நடந்தது. பாலஸ்தாபன திருப்பணி துவங்கி, திருநீறு திருவமுது வழங்குதல் நடைபெறும். இதில் கோயில் இணைஆணையர் நடராஜன் உட்பட கோயில் அதிகாரிகள், ஸ்தபதிகள் கலந்து கொண்டனர்.