நாகர்கோவில், கொல்லங்கோட்டில் குழந்தைகளை துாக்கமரத்தில் ஏற்றும் பிரசித்தி பெற்ற துாக்க திருவிழா இன்று நடைபெறுகிறது. தமிழக –கேரள எல்லையான கொல்லங்கோடு பத்திரகாளி அம்மன் கோயிலில் துாக்கத்திருவிழா கடந்த 16–ம் தேதி கொடியறே்றத்துடன் தொடங்கி வடைபெற்று வருகிறது. பங்குனி மாதம் பரணி நட்சத்திரம் அன்று துாக்கத்திருவிழா நடக்கிறது. குழந்தைகள் பிறக்கவும், பிறந்த குழந்தைகள் ஆரோக்கியமாக வாழவும் இந்த கோயிலில் துாக்கம் நடத்துவதாக பக்தர்கள் வேண்டுதல் நடத்துகின்றனர். அந்த வகையில் இந்த ஆண்டு துாக்க மரத்தில் ஏற்றுவதற்காக 1352 குழந்தைகள் பதிவு செய்துள்ளனர். இரண்டு சக்கரம் கொண்ட தேரில் 41 அடி உயரத்தில் இரண்டு துாக்க மரம் பொருத்தப்பட்டு அதில் நான்கு துாக்க வில்கள் கட்டப்பட்டிருக்கும். இந்த வில்களில் நான்கு விரதமிருந்த துாக்ககாரர்களின் இடுப்பை இணைத்து துணிகளால் கட்டிய பின்னர் நேர்ச்சை குழந்தைகளை அவர்கள் கையில் தாங்கி பிடித்ததும் துாக்க மரம் விண்ணை நோக்கி எழும்பும். இந்த தேர் கோயிலை ஒரு முறை வலம் வந்ததும் குழந்தைகள் இறக்கப்பட்டு கோயில் நடையில் வைத்து புனித நீர் தெளிக்கும் போது துாக்க நேர்ச்சை நிறைவு பெறும். இன்று அதிகாலை தொடங்கும் துாக்க நேர்ச்சை நாளை அதிகாலை நடைபெறும்.