இது குறித்து, கல்லுாரி பேராசிரியர் பிரபு கூறியதாவது: திருப்பத்துார் மாவட்டம், கந்திலி அருகே சந்திரபுரம் மலை அடிவாரத்தில் நடத்திய கள ஆய்வில், புதிய கற்கால மக்கள் பயன்படுத்திய கற்கருவிகள் கண்டறியப்பட்டன.  இங்கிருந்து, 50 மீட்டர் தொலைவில் சந்திரபுரம் மலையிலிருந்து வரும் ஓடையில் மேற்கொண்ட ஆய்வில், 12 செ.மீ., நீளம் கொண்ட மூன்றும், 6 செ.மீ., நீளம் கொண்ட ஒன்றும் என, 4 கருவிகள் கண்டறியப்பட்டுள்ளன. இக்கருவிகள் நன்கு பளபளப்பாக தீட்டப்பட்டு வேட்டையாடுவதற்கும், மரங்களை வெட்டுவதற்கும் கற்கோடரிகளாக பயன்படுத்தி உள்ளனர். அத்தகைய மக்களே சந்திரபுரம் பகுதியில் வாழ்ந்துள்ளனர் என்பதற்கு, இவைகளே சான்றுகளாக அமைகின்றன. ஏற்கனவே இங்கு, கற்கால மக்கள் வாழ்ந்த குகை, பாறை ஓவியங்கள் கண்டறிந்த நிலையில், கற்கால கருவிகள் கண்டறியப்பட்டது மேலும், வலு சேர்ப்பதாக உள்ளது. இவ்வாறு, அவர் கூறினார்.

« முந்தைய

அடுத்து »