பரமக்குடி: பரமக்குடி சுந்தரராஜ பெருமாள் கோயிலில் ஆடி பிரம்மோற்சவ விழா ஜூலை 23 இரவு அனுக்கையுடன் துவங்க உள்ளது. பரமக்குடி சவுந்தரவல்லி தாயார் சமேத சுந்தரராஜ பெருமாள் கோயிலில் ஆண்டுதோறும் ஆடி பிரம்மோற்சவ விழா மதுரை அழகர் கோவிலைப் போன்று நடப்பது வழக்கம். இதன்படி ஜூலை 24 காலை 9:30 மணிக்கு கோயில் கொடி மரத்தில் கருட கொடி ஏற்பட்டு விழா துவங்குகிறது. அன்று இரவு பெருமாள் அன்ன வாகனத்தில் மோகினியாக வீதி வலம் வருகிறார். தொடர்ந்து காலை ஏகாந்த சேவையிலும் இரவு 7:00 மணிக்கு சிம்ம, சேஷ, கருட, ஹனுமன் உள்ளிட்ட வாகனங்களில் பல்வேறு அவதாரங்களில் அருள்பாலிக்கிறார். ஜூலை 29 இரவு 7:00 மணிக்கு பெருமாள் யானை வாகனத்தில் அலங்காரமாகிறார். பின்னர் இரவு 8:00 மணிக்கு கோயில் வளாகத்தில் பெருமாள், ஆண்டாள் மாலை மாற்றும் நிகழ்ச்சி நடக்கிறது. மறுநாள் ஸ்ரீதேவி பூதேவி சமேத பெருமாள் பூப்பல்லக்கில் வலம் வருகிறார். ஜூலை 31 காலை நவநீத கிருஷ்ணன் அலங்காரத்திலும், இரவு குதிரை வாகனத்திலும் அருள் பாலிப்பார். ஆக., 1 காலை 10:31 மணிக்கு சுந்தரராஜ பெருமாள் திருத்தேரில் எழுந்தருளி ரத வீதிகளில் ஆடி தேரோட்டம் நடக்கிறது. ஆக., 2 காலை தீர்த்தவாரி மற்றும் இரவு கொடி இறக்கத்துடன் விழா நிறைவடையுள்ளது. ஏற்பாடுகளை சுந்தரராஜ பெருமாள் தேவஸ்தான டிரஸ்டிகள் செய்து வருகின்றனர். இரவு 10:00 மணிக்குமேல் ஐந்து கருட சேவை துவங்கியது. இதில் ஆண்டாள் பெரிய அன்ன வாகனத்திலும், ரெங்கமன்னார், பெரிய பெருமாள், சுந்தர்ராஜ பெருமாள், சீனிவாச பெருமாள், திருத்தங்கல் அப்பன் ஆகியோர் கருட வாகனத்திலும், பெரியாழ்வார் சிறிய அன்ன வாகனத்திலும் எழுந்தருளி, மாட வீதிகள் மற்றும் ரத வீதிகளை சுற்றி வந்தபோது, ஸ்ரீவில்லிபுத்தூரை சுற்றியுள்ள பல்வேறு கிராமங்களைச் சேர்ந்த ஆயிரக்கணக்கான பக்தர்கள் நாம சங்கீர்த்தன பஜனையுடன் தரிசனம் செய்தனர். விழா ஏற்பாடுகளை கோயில் நிர்வாகம் செய்திருந்தது. ஸ்ரீவில்லிபுத்தூர் டி.எஸ்.பி. முகேஷ் ஜெயக்குமார் தலைமையில் போலீசார் பாதுகாப்பு பணியில் ஈடுபட்டிருந்தனர்.