செஞ்சி; செஞ்சி சங்கராபரணி ஆற்றங்கரையில் உள்ள கோதண்டராமர் கோவிலில் நேற்று நடந்த மாசி மகதீர்த்தவாரியில் 9 கோவில்களில் இருந்து கொண்டு வந்திருந்த உற்சவர்கள் கலந்து கொண்டு பக்தர்களுக்கு அருள்பாலித்தனர்.

செஞ்சி சங்கராபரணி ஆற்றில் பல நுாறு ஆண்டுகளாக மாசி மகத்தன்று தீர்த்தவாரி நடந்து வருகிறது. இன்று மாசி மகத்தை முன்னிட்டு சங்கராபரணி ஆற்றங்கறையில் உள்ள கோதண்டராமர் கோவிலில் மாசிமக தீர்த்வாரி நடந்தது. சிங்கவரம் ஸ்ரீதேவி, பூதேவி சமேத ரங்கநாதர், செஞ்சி கோதண்டராமர் கோவில் சீதா தேவி, ராமர், லட்சுமணர், செஞ்சிக்கோட்டை ஸ்ரீதேவி, பூதேவி சமேத வெங்கட்ரமணர், செஞ்சி காமாட்சியம்மன் உடனுரை ஏகாம்பரேஸ்வரர், திருவத்திமலை ஸ்ரீதேவி, பூதேவி சமதே வெங்கடேசபெருமாள், சோழங்குணம் ஸ்ரீதேவி பூதேவி சமேத சீனுவாச பெருமாள், நெகனுார் பத்மாவதி தாயார் சமேத சீனிவாச பெருமாள், பெரியகரம் முத்துமாரியம்மன், இல்லோடு ஏலவார் குழலி சமேத ஏகாம்பரேஸ்வரர் உற்சவர்களை செஞ்சியில் ஊர்வலமாக சங்கராபரணி ஆற்றங்கரையில் உள்ள கோதண்டராமர் கோவிலுக்கு கொண்டு வந்தனர். அங்கு சங்கராபரணி ஆற்றில் தீர்த்த வாரி நடந்தது. தீர்த்தவாரியில் ஆயிரக்கணக்கான பக்தர்கள் கலந்து கொண்டு நீராடினர். செஞ்சி வட்டாரத்தை சேர்ந்த பஜனை கோஷ்களின் சிறப்பு வழிபாடும், பக்தி பிரசங்கமும் நடந்தது. பக்தர்களுக்கு அனைத்து கோவில்கள் சார்பிலும் அன்னதானம் வழங்கினர். இதில் செஞ்சி சுற்று வட்டார கிராமங்களில் இருந்து ஆயிரக்கணக்கான பக்தர்கள் சாமி தரிசனம் செய்தனர்.