பூரம்: செயலில் கவனம்

அதிர்ஷ்ட காரகனான சுக்கிரன், ஆத்ம காரகனான சூரியனின் அம்சத்தில் பிறந்த உங்களுக்கு, குரோதி வருடத்தில் அஷ்டம ஸ்தான ராகு, தன ஸ்தான கேது, களத்திர ஸ்தான சனி, மே 1 முதல் ஜீவன ஸ்தான குரு இருப்பதால் எதிர்பார்க்கும் பலன்களில் பின்னடைவு ஏற்படும். கணவன், மனைவிக்குள் கருத்து வேறுபாடு, பிரிவு என்ற நிலை சிலருக்கு ஏற்படும். அலைச்சல் அதிகரிப்பு. தீயோர் சேர்க்கை, அவப்பெயர், வாழ்க்கைத் துணையின் உடல்நிலை பாதிப்பு, வெளியூரில் வாழும் நிலை, பண விரயம், வேலையில் பாதிப்பு உண்டாகும் என்பது பொது விதி. இருந்தாலும் சுய ஜாதகத்தில் கிரக அமைப்பு, திசை, புத்தி போன்றவற்றால் இதில் மாற்றமும் உண்டாகும்.

சனி சஞ்சாரம்
ஆண்டு முழுவதும் கண்டகச் சனி இருந்தாலும் ஜூன் 19 - நவ. 4 காலத்தில் வக்கிரகதி அடையும் போதும், 2025, பிப். 27 - மார்ச் 29 காலத்தில் அஸ்தமனம் அடையும்  நிலையிலும் நன்மையான பலன்கள் உண்டாகும். 7 ம் இட சனியின் பாதகமான பலன்கள் விலகும். நினைத்ததை சாதிக்கும் அளவிற்கு உங்கள் செயல்பாடு, முயற்சி யாவும் இருக்கும். விலகிய நண்பர்கள் மீண்டும் தேடி வருவர். தம்பதிக்குள் ஏற்பட்ட பிரச்னைகள் முடிவிற்கு வரும். கூட்டுத்தொழிலில் இருந்த நெருக்கடி விலகும்.

ராகு, கேது சஞ்சாரம்
ராகு மறைவு ஸ்தானமான 8 ம் இடத்திலும், கேது குடும்ப ஸ்தானமான 2 ம் இடத்திலும் இருப்பதால் எதிர்பாராத மாற்றங்கள் உண்டாகும். உடல் பாதிப்பு ஏற்படும். செல்வாக்கு குறையும்.  குடும்பத்தில் நிம்மதியற்ற நிலை, மனதில் இனம் புரியாத சங்கடம் தோன்றும். வாழ்க்கைத் துணையுடன் பிரச்னைகள் உருவாகும். பொருளாதார ரீதியாக நெருக்கடி அதிகரிக்கும்.

குரு சஞ்சாரம்
ஏப்.30 வரை பாக்ய ஸ்தானத்தில் சஞ்சரிக்கும் குருவால் எதிர்பார்ப்பு நிறைவேறும். மே. 1 முதல் 10 ல் சஞ்சரிக்கும் குருவால் சங்கடம் அதிகரிக்கும். தொழில், உத்தியோகத்தில் நெருக்கடி தோன்றும். பணத்தேவை அதிகரிக்கும். குருவின் பார்வைகளால் ஓரளவு நன்மை உண்டாகும். வழக்கு சாதகமாகும். உடல்நிலை சீராகும். வியாபாரத்தில் லாபம் அதிகரிக்கும். சுப நிகழ்வுகள் நடக்கும். புதிய இடம், மனை, பொன், பொருள் வாங்கும் நிலை உண்டாகும்.

சூரிய சஞ்சாரம்
மே 14 - ஜூலை 16, அக். 18 - நவ. 15, 2025, ஜன. 14 - பிப். 12 காலங்களில் சூரியன் ராசிக்கு  சுப இடங்களில் சஞ்சரிப்பதால் சங்கடங்கள் யாவும் விலகும், அலுவலகத்தில் இருந்த பிரச்னைகள் முடிவிற்கு வரும். புதிய தொழில் தொடங்கும் முயற்சி வெற்றியாகும். வழக்குகள் சாதகமாக முடியும். வருமானம் அதிகரிக்கும். அரசியல்வாதிகளுக்கு தொண்டர்களின் ஆதரவு கூடும். செல்வாக்கு உயரும். புதிய பொறுப்பு வந்து சேரும். அலுவலர்களுக்கு வேலை நீக்கம், விசாரணை என்ற நிலை மாறும். மீண்டும் செல்வாக்குடன் பழைய பணியில் தொடர்வீர்கள். எதிர்பார்த்த வருமானம் வரும். மனதில் தைரியம் கூடும்.

பொதுப்பலன்
குறைகள் தீரும். குலதெய்வ அருள் உண்டாகும். தனித்தன்மை வெளிப்படும். உழைப்பு அதிகரிக்கும் என்றாலும் அதற்கேற்ப வருமானம் வரும். சிலர் குற்றச்சாட்டுக்கு ஆளானாலும் முடிவு சாதகமாகும். புதிய தொழில் தொடங்கும் முயற்சி வெற்றி பெறும். குடும்பத்தில் இருந்த சங்கடம் விலகும். அரசு வகையில் எதிர்பார்த்த உதவி கிடைக்கும். அரசியல்வாதிகளின் செல்வாக்கு உயரும். கலைத்துறையினர் புதிய ஒப்பந்தம் பெறுவர். உடல்நிலையில் முன்னேற்றம் தோன்றும்.

தொழில்
பத்தாமிட குருவால் தொழிலில் நெருக்கடி உருவாகும். ஏழாமிட சனியால் கூட்டுத்தொழில் பிரச்னையில் முடியும். புதிய முதலீடு எதிர்பார்த்த லாபத்தை ஏற்படுத்தாமல் போகும். திரைப்படம், சின்னத்திரை, பேன்சி ஸ்டோர்ஸ், ஜவுளி, கவரிங், நகை, வாகனம், ஆடம்பர பொருள் வியாபாரங்களில் லாபம் அதிகரிக்கும். கலைஞர்கள், அரசியல்வாதிகள் முன்னேற்றம் காண்பர்.

பணியாளர்கள்
பணிபுரியும் இடத்தில் ஏற்பட்ட சங்கடம் விலகும் என்றாலும் கவனமுடன் செயல்படுவது அவசியம். மறைமுக எதிர்ப்பு தோன்றும். சிலருக்கு விரும்பிய இடமாற்றம், பதவி உயர்வு உண்டாகும். தனியார் நிறுவன பணியாளர்கள் சலுகைகள் பெறுவர்.

பெண்கள்
குடும்பம், தொழில், உத்தியோகத்தில்  இருந்த பிரச்னைகள் விலகும். வாழ்க்கைத்துணையின் ஆதரவு அதிகரிக்கும். சிலருக்கு உடல்நிலையில் ஏதாவது தொந்தரவு உண்டானபடி இருக்கும் என்றாலும் விரைவில் குணமடைவீர்கள். பிள்ளைகள் மீதான அக்கறை அதிகரிக்கும். உறவினர் மத்தியில்  செல்வாக்கு உயரும்.

கல்வி
பொதுத்தேர்வில் வெற்றி காண்பீர்கள். எதிர்கால வளர்ச்சி  குறித்த சிந்தனையுடன் செயல்படுவீர்கள். உங்கள் நிலைக்கேற்ப கல்லுாரி, பாடப்பிரிவை தேர்வு செய்வது நன்மையாகும்.

உடல்நிலை
அஷ்டம ராகுவும், சப்தம சனியும் போட்டி போட்டு உடல்நிலையில் பாதிப்பை  உண்டாக்குவர். மருத்துவச் செலவு அதிகரிக்கும். சிலருக்கு மறைமுக நோய், பரம்பரை நோய்கள் தோன்றி சங்கடப்படுத்தும் என்றாலும் சிகிச்சையால் அவை குணமாகும்.

குடும்பம்
பூர்வீக சொத்துகளில் இருந்த சங்கடம் விலகும். புதிய வாகனம், நவீன பொருட்கள் சேரும். பிள்ளைகள் நலனில் அக்கறை அதிகரிக்கும். குடும்பத்தில் நிம்மதி ஏற்படும். புதிய இடம் வாங்கி உங்கள் விருப்பப்படி வீடு கட்டி குடியேறுவீர்கள். வாழ்க்கைத்துணையை அனுசரித்துச் செல்வதால் அமைதி நிலைக்கும்.

பரிகாரம்: மகாலட்சுமியை தினமும் மாலையில் வழிபடுவதால் வாழ்வு வளமாகும்

உத்திரம்: பணப்புழக்கம் கூடும்

ஆற்றல்காரகனான சூரியனின் நட்சத்திரத்தில் பிறந்த உங்களுக்கு 1 ம் பாதத்தில் (சிம்மம்) பிறந்தவர்களுக்கு சூரியனே ராசிநாதனாகவும், 2,3,4 ம் பாதங்களில் (கன்னி) பிறந்தவர்களுக்கு வித்யா காரகனான புதன் ராசிநாதனாகவும் உள்ளனர்.

பிறக்கும் தமிழ்ப் புத்தாண்டில் உத்திரம் 1ம் பாதத்தில் பிறந்தவர்களுக்கு எதிர்பார்ப்பு இழுபறியாகும். காரியங்களில் தடைகள், வீண் அலைச்சல், குடும்பத்தில் நிம்மதியற்ற நிலை, பொருளாதாரத்தில் சிரமம், உடல் நலனில் சங்கடம் உண்டாகும். 2,3,4 ம் பாதங்களில் பிறந்தவர்களுக்கு அதிர்ஷ்டமான பலன்கள் உண்டாவதுடன் இக்காலம் யோக காலமாகவும் இருக்கும்.  எதிர்பார்ப்பு நிறைவேறும். பணப்புழக்கம் கூடும். எடுத்த காரியத்தில் வெற்றி ஏற்படும். ஆரோக்கியம் அதிகரிக்கும். எதிர்ப்பு இல்லாமல் போகும். அபார ஆற்றல் உண்டாகும். குடும்பத்தில் சுபநிகழ்ச்சி நடக்கும்.

சனி சஞ்சாரம்
கும்ப ராசியில் சஞ்சரிக்கும் சனி பகவான், அஸ்தமன, வக்கிர நிலைகளில் 4 பாதங்களில் பிறந்தவர்களுக்கும் நன்மையான பலன் வழங்குவார். சங்கடம் விலகும். நெருக்கடி இல்லாமல் போகும். முயற்சி வெற்றி பெறும். 2,3,4 ம் பாதங்களில் பிறந்தவர்களுக்கு ஆண்டு முழுவதும் யோகம் தருவார். நினைத்ததை அடையக் கூடிய நிலையை உண்டாக்குவார். முயற்சிகளை வெற்றியாக்குவார். சமூகத்தில் செல்வாக்கை உயர்த்துவார். வழக்குகளில் சாதகமான நிலையை ஏற்படுத்துவார். எதிர்ப்பு இல்லாத வாழ்வைத் தருவார். அவரவர் கர்ம வினைக்கேற்ப நற்பலன் அளிப்பார்.

ராகு, கேது சஞ்சாரம்
ராகு மீனத்திலும்,  கேது கன்னியிலும் சஞ்சரிக்கும் நிலையில் உங்கள் வாழ்வில் தடுமாற்றம் ஏற்படும். மனதில் குழப்பம் அதிகரிக்கும். எதிர்பார்ப்பு இழுபறியாகும். குடும்பத்தில் பிரச்னை அதிகரிக்கும். தம்பதிக்குள் ஒற்றுமை இல்லாமல் போகும். வரவு செலவில் திருப்தியற்ற நிலை உண்டாகும்.

குரு சஞ்சாரம்
ஏப். 30 வரை 1 ம் பாதத்தினருக்கு பாக்ய ஸ்தானத்தில் சஞ்சரிக்கும் குருவால் சங்கடங்கள் வந்தாலும் அதை சமாளிக்கும் நிலை உண்டாகும். மே 1 முதல் இந்த நிலையில் மாற்றம் உண்டாகும். தொழில், வியாபாரத்தில் சங்கடம் அதிகரிக்கும். பணியில் நெருக்கடி தோன்றும்.  குடும்பத்தில் பிரச்னை அதிகரிக்கும் 2,3,4 ம் பாதத்தினருக்கு ஏப். 30 வரை அஷ்டம ஸ்தானத்தில்
சஞ்சரிக்கும் குருபகவான் முயற்சியில் தடையை ஏற்படுத்துவார்.
மே 1 முதல் பாக்ய ஸ்தானத்தில் சஞ்சரிக்கும் குரு, உங்கள் ராசியைப் பார்ப்பதால் சங்கடம் நீங்கும். எதிர்பார்ப்பு நிறைவேறும். செல்வாக்கு அதிகரிக்கும். பணம், பதவி, பட்டம் என்ற நிலை உண்டாகும். அதிர்ஷ்ட வாய்ப்பு தேடி வரும். சங்கடம் தீரும். பொன், பொருள், செல்வாக்கு அதிகரிக்கும். வாழ்வு வளமாகும். குடும்பம், தொழில், உத்தியோகம் என அனைத்திலும் மகிழ்ச்சி ஏற்படும்.

சூரிய சஞ்சாரம்
உத்திரம் 1 ம் பாதத்தில் பிறந்தவர்களுக்கு மே 14 - ஜூலை 16, அக். 18 - நவ. 15, 2025 ஜன.14 -  பிப்.12 காலங்களிலும், 2,3,4 ம் பாதங்களில் பிறந்தவர்களுக்கு ஜூன் 15 - ஆக. 16, நவ. 16 - டிச. 15, 2025, பிப். 13 - மார்ச் 14 காலங்களிலும் சூரியன் உங்கள் நிலையில் முன்னேற்றத்தை உண்டாக்குவார். சட்ட சிக்கல்களில் இருந்து உங்களை விடுவிப்பார். அலுவலகத்தில் ஏற்பட்ட பிரச்னைகள் விலகும். அரசியல்வாதிகளின் செல்வாக்கு உயரும். உடல் நிலையில் முன்னேற்றம் ஏற்படும். எதிரிகள் பலம் இழப்பர். வெளிவட்டாரத்தில் செல்வாக்கு உயரும். தொழில் தொடங்கும் முயற்சி வெற்றி பெறும். வருமானம் அதிகரிக்கும்.

பொதுப்பலன்
1 ம் பாதத்தினருக்கு சூரியனால் 4 மாதம், செவ்வாயால் ஆக.26 - அக்.22 க்குரிய காலம் யோக காலமாக இருக்கும். சங்கடம் இல்லாமல் போகும். 2,3,4 ம் பாதத்தினருக்கு சனி, குரு  சஞ்சார நிலையால் மிகப் பெரிய யோகம் உண்டாகும். இதுவரை இருந்த நெருக்கடிகள் விலகும். முயற்சி எல்லாம் வெற்றியாகும். குடும்பத்தில் சுபநிகழ்ச்சி நடந்தேறும். தொழிலில் இருந்த தடை விலகும். பொருளாதாரம் உயரும். அரசு ஊழியர்கள், அரசியல்வாதிகள், கலைஞர்களின் செல்வாக்கு அதிகரிக்கும். எண்ணியதை நிறைவேற்றிக் கொள்வீர்கள்.

தொழில்
தொழிலில் இருந்த நெருக்கடி விலகும். புதிய ஒப்பந்தம் கையெழுத்தாகும். ஏற்றுமதி, இறக்குமதி, பங்கு வர்த்தகம், ஆட்டோ மொபைல்ஸ், எலக்ட்ரானிக்ஸ், மெடிக்கல், மருத்துவம், பப்ளிகேஷன்ஸ், யூடியூப், விவசாயம், கல்வி நிறுவனங்கள், டிரான்ஸ்போர்ட் முன்னேற்றம் பெறும். வழக்கறிஞர், மருத்துவர், ஆசிரியர்கள், கதாசிரியர்கள் வளர்ச்சி காண்பர்.

பணியாளர்கள்
பணியும் இடத்தில் இருந்த சங்கடங்கள் தீரும். உங்கள் திறமை மதிக்கப்படும். எதிர்பார்த்த உயர்வு உண்டாகும். வேலையில் புதிய பொறுப்பு ஏற்படும். கூடுதல் மரியாதை உண்டாகும். அரசு ஊழியர்கள் சிலருக்கு விரும்பிய இடமாற்றம், பதவி உயர்வு கிடைக்கும்.

பெண்கள்
உடல் பாதிப்பு நீங்கும். உறவினர் மத்தியில் மதிப்பு கூடும். பகைவர்களும் உங்களைத் தேடி வருவர். முயற்சி யாவும் வெற்றியாகும். பொன், பொருள் சேரும். கணவர் உங்களைப் புரிந்து கொண்டு உங்கள் செயல்களுக்கு ஆதரவு புரிவார். திருமண வயதினருக்கு வரன் வரும். வேலை தேடி வந்தவர்களுக்கு எதிர்பார்த்த தகவல் வரும்.

கல்வி
பொதுத்தேர்வில் எதிர்பார்த்த மதிப்பெண் கிடைக்கும். விரும்பிய மேற்படிப்பில் விரும்பிய கல்லுாரியில் சேர்வீர்கள். மருத்துவம், இன்ஜினியரிங், சாப்ட்வேர் துறை மாணவர்கள் நன்கு படிப்பர். சிலருக்கு வெளிநாட்டில் படிக்கும் வாய்ப்பு ஏற்படும்.

உடல்நிலை
ஆறாமிட சனி, குருவின் பார்வையால் உடல் பாதிப்புகள் விலகும். தொற்றுநோய், பரம்பரைநோய் போன்றவற்றால் அவதிப்பட்ட நிலை மாறும். நீண்ட நாள் நோயாளிகள் நோயின் தன்மையறிந்து சிகிச்சை பெற்று குணமடைவர்.

குடும்பம்
கடந்த கால நெருக்கடியில் இருந்து மீள்வீர்கள். குடும்பத்தில் இருந்த சங்கடம் தீரும்.  தம்பதியிடையே ஒற்றுமை அதிகரிக்கும். சொத்து சேர்க்கை உண்டாகும். இழுபறியாக இருந்த சொத்து விவகாரம் முடிவிற்கு வரும். பணத்தட்டுப்பாடு தீரும். சிலர் வீடு கட்டி குடியேறுவீர்கள். சொந்த தொழில் புரிபவர்கள் லாபம் காண்பர். சிலருக்கு திருமணம், வேலைவாய்ப்பு, குழந்தை பாக்கியம் கிடைக்கும்.

பரிகாரம்: விநாயகருக்கு அருகம்புல் மாலை சார்த்தி வழிபட நன்மை அதிகரிக்கும்