திருவண்ணாமலை; அருணாசலேஸ்வரர் கோவிலுக்கு நேற்று பக்தர்கள் படையெடுத்ததால், பொது வழியில் தரிசனம் செய்ய, 5 மணி நேரம் காத்திருக்கும் நிலை ஏற்பட்டது. திருவண்ணாமலை அருணாசலேஸ்வரர் கோவிலுக்கு, வார விடுமுறை நாட்களில் தமிழகம் மட்டுமின்றி ஆந்திரா, கர்நாடகா, தெலுங்கானா மாநில பக்தர்கள் வருகை, சமீப காலமாக அதிகரித்து வருகிறது. ஞாயிற்றுக்கிழமையான நேற்று, திருவண்ணாமலையில் பக்தர்கள் குவிந்தனர். கடும் வெயிலை பொருட்படுத்தாமல்,  5 மணி நேரம் நீண்ட வரிசையில் காத்திருந்து, அருணாசலேஸ்வரர், உண்ணாமுலையம்மனை வழிபட்டனர். நுாற்றுக்கணக்கானோர் பக்தர்கள் கிரிவலம் சென்றனர். வெளியூர் பக்தர்கள் வந்த வாகனங்கள் அதிகமாக இருந்ததால், திருவண்ணாமலையில் கடும் போக்குவரத்து நெரிசல் ஏற்பட்டது.