சுவாதி நட்சத்திரத்தில் நரசிம்மரை வழிபடுவது சிறந்த பலனை தரும். ஸ்ரீராமபிரானுக்கு துளசி மாலை சாத்தி வழிபட வேண்டும். 

பஞ்சபூதங்களில் ஒன்றான காற்றுக்கு அதிபதி வாயு. வேகமாக செல்வதில் நிகரற்றது என்பதால், வாயுவேகம் மனோ வேகம் என்று சொல்வர். மனதில் எதை நினைத்தாலும், அந்தக் கணமே மனம் அங்கு சென்றுவிடும். ஆஞ்சநேயருக்கு மாருதி என்ற பெயருண்டு. இதற்கு வாயுவின் பிள்ளை என்று பொருள். ஒவ்வொரு நட்சத்திரத்திற்கு ஒரு அதிதேவதை உண்டு. இதில் சுவாதிக்குரியவராக இருப்பவர் வாயு. பிரகலாதனுக்கு ஆபத்து நேர்ந்த சமயத்தில் இரண்யனிடம் இருந்து காப்பதற்காக புயலைப் போல பறந்து வந்தவர் நரசிம்மர். எனவே அவருக்குரிய நட்சத்திரமாகவும் சுவாதி அமைந்தது. வாழ்வில் எவ்வளவு பிரச்னை இருந்தாலும் தீர்வுபெற நரசிம்மரை சுவாதியன்று வணங்குங்கள். இன்று கோவிலில் பெருமாள், நரசிம்மரை வழிபட கூடுதல் பலன் கிடைக்கும். பெரியாழ்வார் திருநட்சத்திரமான இன்று திருப்பல்லாண்டு பாசுரம் படித்து பெருமாளை வழிபட வேண்டும். விரதம் இருந்து நரசிம்மரை வழிபட கடன் தொல்லைகள் நீங்கும்.