திருவாடானை : திருவெற்றியூரில் தண்ணீர் கிடைக்காமல் பக்தர்கள் அவதிப்படுகின்றனர். திருவாடானை அருகே திருவெற்றியூரில் பாகம்பிரியாள்கோயில் உள்ளது. சித்திரை மற்றும் ஆடி மாதங்களில்நடைபெறும் திருவிழாக்களிலும், வெள்ளி, செவ்வாய்நாட்களிலும் ஏராளமான பக்தர்கள் கூடுவார்கள்.

இக் கோயிலில் இரவு தங்கியிருந்து மறுநாள்அதிகாலை சுவாமியை வணங்குவது சிறப்பு என்பதால் சிவகங்கை, புதுக்கோட்டை போன்றவெளிமாவட்டங்களை சேர்ந்த பக்தர்கள்முதல் நாள் இரவில் சென்று தங்குவார்கள்.

பக்தர்கள் தங்குவதற்காக மண்டபம் கட்டபட்டுள்ளது. தற்போது கடும் வறட்சி ஏற்பட்டதால் குளிக்க தண்ணீர் கிடைக்காமல் பெரும் சிரமப்படுகின்றனர்.இது குறித்து பக்தர்கள் கூறியதா வது: அதிகாலையில்எழுந்து முகத்தை கழுவ கூட தண்ணீர் கிடைக்கவில்லை. தெப்பக் குளத்தில் சிறிதளவு தேங்கி கிடக்கும் நீரைதலையில் தெளித்து கொண்டு கோயிலுக்கு செல்கிறோம்.எந்த ஆண்டும் இல்லாத வகையில் இந்த ஆண்டுகடும் வறட்சி ஏற்பட்டுள்ளது, என்றனர்.