கீழக்கரை பத்திரகாளியம்மன் கோயிலில் வருடாபிஷேக விழா
கீழக்கரை: கீழக்கரை நாடார் கடைத்தெருவில் உள்ள பத்திரகாளி அம்மன் கோயிலில் மூன்றாம் ஆண்டு வருடாபிஷேக விழா நடந்தது. காலை 9:00 மணிக்கு மூலவருக்கு சிறப்பு அபிஷேக அலங்கார தீபாராதனைகள் நடந்தது. யாக வேள்வி வளர்க்கப்பட்டு பக்தர்கள் மீது புனித நீர் தெளிக்கப்பட்டது. பகலில் அன்னதானம் வழங்கப்பட்டது. பெண்கள் நெய்விளக்கேற்றி வழிபாடு செய்தனர். பொங்கலிட்டனர். ஏற்பாடுகளை கோயில் டிரஸ்டி அமிர்தராஜ், மலர்கொடி ஆகியோர் செய்திருந்தனர்.
