சாஸ்தாபுரி ஐயப்பன் கோவில் கும்பாபிஷேகம்: பக்தர்கள் பரவசம்
கூடலூர்; கூடலூர் கோழிப்பாலம் ஸ்ரீ சாஸ்தாபுரி ஐயப்பன் கோவில் கும்பாபிஷேகம் சிறப்பாக நடந்தது.
கூடலூர் கோழிப்பாலம் ஸ்ரீ சாஸ்தாபுரி ஐயப்பன் கோவில் கும்பாபிஷேகம் திருவிழா நேற்று முன்தினம், காலை 5:30 மணிக்கு கணபதி ஹோமத்துடன் துவங்கியது. தொடர்ந்து, 6:00 மணிக்கு உஷ பூஜை, பரிவார பூஜை, கலசபிஷேகம், மத்திய பூஜை நடந்தது. மாலை 5:00 மணிக்கு நடை திறக்கப்பட்டது. 6:00 மணிக்கு தீபாதாரணை, 7:00 மணிக்கு கலசாபிஷேகம், அத்தாழ பூஜை நடந்தது.
நேற்று, காலை 5:00 மணிக்கு கணபதி ஹோமம், 6:00 மணிக்கு உஷ பூஜை, 7:00 மணிக்கு ப்ரமஹகலாபிஷேகம் மற்றும் பரிகலசபிஷேகம் நடந்தது. காலை 10:30 மணிக்கு கும்பாபிஷேகம் சிறப்பாக நடந்தது. தொடர்ந்து சிறப்பு அலங்கார பூஜை நடந்தது. விழாவில் ஏராளமான பக்தர்கள் பங்கேற்று ஐயப்பனை தரிசனம் செய்தனர். விழாவுக்கான ஏற்பாடுகளை ஸ்ரீ சாஸ்தாபுரி ஐயப்பன் கோவில் அறக்கட்டளை மற்றும் அப்பகுதியினர் செய்திருந்தனர்.
