ஞானகுரு தட்சணாமூர்த்தி குரு பீடத்தில் குரு பெயர்ச்சி சிறப்பு பூஜை
திருவெண்ணெய்நல்லுார், : திருவெண்ணெய்நல்லுார் அருகே உள்ள ஞானகுரு தட்சணாமூர்த்தி குரு பீடத்தில் குரு பெயர்ச்சி விழா நடந்தது.
குருபகவான் நேற்று மாலை சரியாக 5:19 மணிக்கு மேஷ ராசியிலிருந்து ரிஷப ராசிக்கு பிரவேசிக்கிறார். அதனையொட்டி திருவெண்ணெய்நல்லுார் அடுத்துள்ள பையூர் கிராமத்தில் பிரசித்தி பெற்ற 12 அடி உயரமுள்ள ஞானகுரு தட்சணாமூர்த்தி குரு பீடத்தில் குரு பெயர்ச்சியை யொட்டி நேற்று மாலை 4:00 மணிக்கு கலச பூஜை மற்றும் சங்கு பூஜை நடைபெற்றது. 4:30 மணிக்கு பாலாபிேஷகமும், தொடர்ந்து 5:00 மணிக்கு சங்கு பரிஹார கலச மஹாபிேஷகமும், மாலை சரியாக 5:19 மணிக்கு குரு பகவானுக்கு மகா சிறப்பு தீபாரதனையும் நடந்தது. விழாவில் விழுப்புரம், கள்ளக்குறிச்சி, கடலுார் உள்ளிட்ட பல்வேறு மாவட்டங்களில் இருந்து ஏராளமானோர் கலந்து கொண்டு சுவாமி தரிசனம் செய்தனர். திருவெண்ணெய்நல்லுார் டி.எஸ்.பி., கார்த்திகபிரியா தலைமையிலான போலீசார் பாதுகாப்பு பணியில் ஈடுபட்டனர்.
