சித்திரை அமாவாசை; குடும்பம் செழிக்க வீட்டில் குல தெய்வத்தை வழிபடுங்க..!
குலம் என்றால் குடும்ப பாரம்பரியம் என்று பொருள். நமது குடும்பத்திற்கென்று ஒரு வழிபாட்டு தெய்வத்தினை நமது முன்னோர்கள் வைத்திருக்கிறார்கள். தனது அடுத்த சந்ததியினர் நன்றாக இருக்க வேண்டும் என்பதே குல தெய்வ வழிபாட்டின் முக்கியக் குறிக்கோள். குழந்தைகளுக்கு முடி எடுப்பது, காது குத்துவது, திருமணப் பட்டுப்புடவை, திருமாங்கல்யம் போன்றவற்றை வைத்துக் குலதெய்வ பூஜை செய்வது எல்லாமே நம் குலம் தழைக்கச் செய்யப்படுவதாகும். முன்னோரது ஆசி பெற அமாவாசை சிறந்த நாளாகும். பூஜையறையில் நம் முன்னோர்களை நினைத்து வழிபாடு செய்ய வேண்டும். அமாவாசையான இன்று குல தெய்வத்தை வழிபடுவதால் முன்னோர்களின் அருளுடன் குல தெய்வ அருளும் கிடைக்கும்.
