சின்னசேலத்தில் வராஹி அம்மனுக்கு பால்குடம் அபிஷேகம்
சின்னசேலம்; சின்னசேலத்தில் வராஹி அம்மனுக்கு பால்குடம் அபிஷேகம் நடந்தது. சின்னசேலம் காமாட்சி சமேத கங்காதீஸ்வரர் கோவிலில் உள்ள வராஹி அம்மனுக்கு தை அமாவாசை முன்னிட்டு பால்குடம் எடுக்கும் வைபவம் நடந்தது. நிகழ்ச்சியில் பெண் பக்தர்கள் பலர் பங்கேற்று பால்குடம் எடுத்து தேரோடும் வீதியாக வழியாக ஊர்வலமாக சென்றனர். தொடர்ந்து வராஹி அம்மனுக்கு பால்குடம் அபிஷேகம் மற்றும் சிறப்பு அலங்காரம் செய்து வைத்து மகா தீபாரதனை காண்பிக்கப்பட்டது. பூஜைகளை வெங்கடேசன் குருக்கள் செய்து வைத்தார். இதில் திரளான பக்தர்கள் பங்கேற்றனர்.
