வளர்பிறை ஏகாதசி விழா ; பொள்ளாச்சி கோவில்களில் வழிபாடு
பொள்ளாச்சி: பொள்ளாச்சி மற்றும் சுற்றுப்பகுதியில் உள்ள கோவில்களில், வளர்பிறை ஏகாதசி விழா நடந்தது.
பொள்ளாச்சி அருகே, டி.கோட்டாம்பட்டி ஸ்ரீதேவி, பூதேவி சமேத வரதராஜப்பெருமாள் கோவிலில், வளர்பிறை ஏகாதசியையொட்டி காலை, 10:30 மணிக்கு திவ்ய திருமஞ்சன அபிேஷகம் நடைபெற்றது. சிறப்பு அலங்காரத்தில் தாயாருடன், பெருமாள், பக்தர்களுக்கு அருள்பாலித்தார். தொடர்ந்து காலை, 11:00 மணிக்கு விஷ்ணு சகஸ்ரநாம பாராயணம் நடந்தது. திரளான பக்தர்கள் பங்கேற்று சுவாமி தரிசனம் செய்தனர். இதுபோன்று, பொள்ளாச்சி மற்றும் சுற்றுப்பகுதிகளில் உள்ள கோவில்களில் வளர்பிறை ஏகாதசியை முன்னிட்டு சிறப்பு வழிபாடுகள் நடைபெற்றன.
