கேதார்நாத் கோவிலில் கடும் பனிப்பொழிவு, குளிர்: பக்தர்களுக்கு நிர்வாகம் எச்சரிக்கை!
உத்தரகண்ட்: உத்தரகண்ட் மாநிலத்தில் உள்ள ஸ்ரீ கேதார்நாத் தலத்தில் பனிப்பொழிவு ஏற்பட்டுள்ளது. இதனால் அப்பகுதியில் வெப்பநிலை குறைந்து, கடும் குளிர் நிலவுகிறது.
இதையடுத்து, கேதார்நாத் தரிசனத்துக்கு வரும் பக்தர்கள் குளிரிலிருந்து தங்களைப் பாதுகாத்துக் கொள்ளத் தேவையான முன்னெச்சரிக்கை நடவடிக்கைகளை மேற்கொள்ளுமாறு மாவட்ட நிர்வாகம் அறிவுறுத்தியுள்ளது. மேலும், தற்போதைய வானிலை நிலவரத்தைக் கருத்தில் கொண்டு, மாவட்ட நிர்வாகம் மற்றும் காவல்துறை வெளியிட்டுள்ள பாதுகாப்பு வழிகாட்டுதல்களைப் பக்தர்கள் கண்டிப்பாகப் பின்பற்ற வேண்டும் என்றும் கேட்டுக்கொள்ளப்பட்டுள்ளது.
