ஸ்ரீரங்கம் பகல் பத்து ஏழாம் திருநாள்; தங்க நிற பட்டில் நம்பெருமாள் உலா
ஜனவரி 06,2025
ஸ்ரீரங்கம்; ஸ்ரீரங்கம் அரங்கநாத சுவாமி திருக்கோயில் வைகுண்ட ஏகாதசி உற்சவம் பகல் பத்து திருமொழித்திருநாள் ஏழாம் திருநாள் அர்ஜுன மண்டபத்தில் நம்பெருமாள் தங்க நிற பட்டு அணிந்து அருள்பாலித்தார்.
ஸ்ரீரங்கம் பகல் பத்து 7 ஆம் நாள் திருமங்கையாழ்வாரின் பெரிய திருமொழி பிரபந்திற்காக, நம்பெருமாள் - தங்க நிற பட்டு அணிந்து அரைக் கொண்டை அணிந்து: அதில் நெற்றி சுட்டிப்பூ சாற்றி, கர்ண பத்திரம்; ரத்தின அபய ஹஸ்தம் ; திரு மார்பில் சிகப்புக் கல் சூர்ய பதக்கம்; அதன் மேல் மகரி, சிகப்புக் கல் அடுக்கு பதக்கங்கள், நெல்லிக்காய் மாலை, 2 வட முத்து சரம், தங்க பூண் பவழ மாலை ; பஞ்சாயுத ஹாரம் அணிந்து, பின்புறம் - புஜ கீர்த்தி ; அண்ட பேரண்ட பக்ஷி பதக்கம்; கையில் தாயத்து சரங்கள், தங்க தண்டைகள் திருவடியில் அணிந்து ஆஸ்தான மண்டப சேவை சாதித்தார். இதில் ஏராளமான பக்தர்கள் கலந்து கொண்டு தரிசனம் செய்தனர்.
