குன்றக்குடியில் பங்குனி உத்திர விழா கொடியேற்றத்துடன் தொடக்கம்
காரைக்குடி: குன்றக்குடி சண்முகநாதப் பெருமான் கோயில் பங்குனி உத்திரத் திருவிழா இன்று கொடியேற்றத்துடன் தொடங்கியது.
குன்றக்குடி சண்முகநாதப் பெருமான் கோயில் பங்குனி உத்திர திருவிழாவை முன்னிட்டு ஏப்.1ம் தேதி அனுக்ஞை, விக்னேஸ்வர பூஜை நடந்தது. இன்று அதிகாலை கொடியேற்றத்துடன் நிகழ்ச்சி தொடங்கியது. தினமும் இரவு 8 மணிக்கு சண்முகநாதன் பெருமான் வள்ளி, தெய்வானையுடன் வெள்ளிக்கேடகத்தில் எழுந்தருளி வீதி உலா வரும் நிகழ்ச்சி நடைபெறும். ஏப். 6ம் தேதி மாலை திருக்கல்யாணம், பூப்பல்லாக்கு நிகழ்ச்சி நடைபெறுகிறது. ஏப். 9ம் தேதி தெப்பத் திருவிழா, நடைபெறுகிறது. ஏப்.10 ம் தேதி காலை 5.30 மணிக்கு தேருக்கு சுவாமி எழுந்தருளல் நிகழ்ச்சியும் மாலை 4.30 மணிக்கு தேரோட்டமும் நடைபெறுகிறது. ஏப். 11 காலை தீர்த்தவாரியும், இரவு மயிலாடும்பாறையில் சுவாமி எழுந்தருளும் நிகழ்ச்சியும் நடைபெறுகிறது. விழா ஏற்பாடுகளை குன்றக்குடி பொன்னம்பல அடிகளார் தலைமையில் விழாக்குழுவினர் செய்து வருகின்றனர்.
