கிணத்துக்கடவு கரி வரதராஜ பெருமாள் கோவிலில் திருக்கல்யாண வைபவம்
கிணத்துக்கடவு: அரசம்பாளையம் பிரிவில் உள்ள கரி வரதராஜ பெருமாள் கோவிலில் திருக்கல்யாண வைபவம் நடந்தது.
கிணத்துக்கடவு, அரசம்பாளையம் பிரிவில் உள்ள ஸ்ரீதேவி பூதேவி சமேத கரி வரதராஜ பெருமாள் கோவிலில் 3ம் தேதி திருக்கல்யாண வைபவ நிகழ்ச்சி ஆரம்பம் ஆனது. இதில், மங்கள இசை, ஹோமம், திருவிளக்கு பூஜை மற்றும் சுவாமிக்கு பஜனை நடந்தது இன்று 3ம் தேதி, அதிகாலையில், நடை திறப்பு, விஸ்வரூப தரிசனம், சிறப்பு அபிஷேகம் மற்றும் அலங்கார பூஜைகள் நடந்தது. தொடர்ந்து சுவாமி திருக்கல்யாண வைபவம் நடந்தது. இதில், பக்தர்கள் பலர் கலந்து கொண்டு சுவாமி தரிசனம் செய்தனர். கோ பூஜை, உபச்சார பூஜை உள்ளிட்டவைகள் நடந்தது. பின் பக்தர்களுக்கு பிரசாதம் வழங்கப்பட்டது.
