அன்னூர் கரிவரதராஜ பெருமாள் கோவிலில் புரட்டாசி திருவிழா
அன்னூர்: அன்னூர் கரிவரதராஜ பெருமாள் கோவிலில், புரட்டாசி நான்காவது சனிக்கிழமை திருவிழா இன்று நடந்தது.
பழமையான கரி வரதராஜ பெருமாள் கோவிலில், இன்று அதிகாலை 4:30 மணிக்கு நடை திறக்கப்பட்டது. காலை 5:00 மணிக்கு பல்வேறு திரவியங்களால், அபிஷேக பூஜை நடந்தது. காலை 6:30 மணிக்கு அலங்கார பூஜை நடந்தது. காலை 7:00 மணிக்கு, பெருமாள் ஸ்ரீதேவி பூதேவி சமேதரராக சிறப்பு அலங்காரத்தில் உள் பிரகாரத்தில் உலா வந்து அருள் பாலித்தார். அன்னதானம் வழங்கப்பட்டது. காட்டம்பட்டி அருகே வரதையம்பாளையம் பெருமாள் கோவில், பொகலூர் பெருமாள் கோவில், பொங்கலூர் கரிவரதராஜ பெருமாள் கோவில், கஞ்சப்பள்ளி பெருமாள் கோவில், பிள்ளையப்பம்பாளையம் காரண பெருமாள் கோவில் உள்ளிட்ட பெருமாள் கோவில்களில் புரட்டாசி நான்காவது சனிக்கிழமையை முன்னிட்டு இன்று சிறப்பு வழிபாடு நடந்தது. நூற்றுக்கணக்கான பக்தர்கள் பங்கேற்றனர்.
