திட்டை ராஜ குருபகவான் கோயிலில் குரு பெயர்ச்சி விழா; 6ம் தேதி லட்ச்சார்ச்சனை
திட்டை கோவிலில் வசிஷ்டேஸ்வரர், சுகந்தகுந்தளாம்பிகை சன்னதிகளுக்கு நடுவில் எங்கும் இல்லாத சிறப்போடு தனி சன்னதியில் ராஜகுருவாக எழுந்தருளி பக்தர்களுக்கு குருபகவான் அருள்பாலித்து வருகிறார். ஒவ்வொரு ஆண்டும் ஒரு ராசியில் இருந்து மற்றொரு ராசிக்கு குருபகவான் பெயர்ச்சி ஆவார். அதன்படி இந்த ஆண்டு மே 1 ம் தேதி புதன்கிழமை மேஷ ராசியிலிருந்து ரிஷபராசிக்கு பெயர்ச்சி அடைகிறார். இதனை முன்னிட்டு குருபெயர்ச்சி விழா பந்தல்கால் முகூர்த்தத்துடன் துவங்கி நடைபெற்று வருகிறது. குரு பெயர்ச்சி விழாவை முன்னிட்டு இலட்ச்சார்ச்சனை சிறப்பு பரிகார ஹோமம் மே 6ம் தேதி முதல் 8 ம்தேதி வரை நடைபெற உள்ளது. லட்ச்சார்ச்சனைக்கு 6ம் தேதி ஒரு நாள் மட்டும் கட்டணம் 300. சிறப்பு பரிகார ஹோமம் செய்ய 7, 8 ம்தேதி இரண்டு நாட்கள் கட்டணம் 500 ஆகும்.
