பவுர்ணமி, சந்திர கிரகணம்; வீட்டில் சிவ வழிபாடு செய்வது சிறப்பு.. யார் பரிகாரம் செய்ய வேண்டும்?
இந்தாண்டுக்கான முழு சந்திர கிரகணம் இன்று நிகழ உள்ளது. இந்திய நேரப்படி, மாலை 3.20 முதல், மாலை 6.47 மணி வரை சந்திர கிரகணம் இருக்கும். இரவு 7 மணிக்குப் பிறகு சிவ வழிபாடு செய்த பின் உணவு உண்பது நல்லது. சந்திரகிரகண நேரத்தில் ஸ்லோகம் சொல்லி வழிபடுவது சகல நன்மை தரும். மகம், பூரம், உத்திரம், பரணி, பூராடம் நட்சத்திரத்தினர் பரிகாரம் செய்து கொள்வது நல்லது.
சூரியன், பூமி, சந்திரன் ஆகிய மூன்றும், ஒரே நேர்கோட்டில் வரும் போது, பூமியின் நிழல் சந்திரன் மீது விழுகிறது. இதுவே சந்திர கிரகணம். இந்தாண்டுக்கான முழு சந்திர கிரகணம் நாளை நிகழ உள்ளது. நிலா சிவப்பு நிறத்தில் ஒளிர்வதுடன், நீல விளிம்புடன் காட்சியளிக்கும். சந்திர கிரகணத்தை வெறும் கண்களால் பார்க்கலாம். தெளிவாக காண தொலைநோக்கிகளை பயன்படுத்தலாம். அசாம், அருணாச்சலப்பிரதேசம், மேகாலயாவில் முழுமையாக காண முடியும். டில்லி, மும்பை, சென்னை, பெங்களூரு, ஹைதராபாத் உள்ளிட்ட பகுதிகளில் இறுதிப் பகுதி மட்டும் தெரியும். இந்திய நேரப்படி, மாலை 3.20 முதல், மாலை 6.47 மணி வரை சந்திர கிரகணம் இருக்கும்.
